ANDO ALAV THAJ PUTARIPE BISTAKO TRIFUNOŠĆE DIMIĆEŠĆE

Šerutno manuš pe Forošći lilvarni ando Novi Sad Aleksandar Jokanović e barimava vaćarda kaj ande kaja lilvarni si se lila katar e rromane lilvarne manuša andar e Srbija tho regiono save si ramome, thaj kaj po majvučo than si čhutine e Trifunošće lila andar godova kaj sas but lačho lilvarno thaj nakhavimasko manuš.

 

Šerutni pe Kancelarija pale inkluzija Rromenđi Ljiljana Mihajlović, mothol kaj e lilvarni savi inđarel e Trifunosko alav si importantno kulturako ćher savo del gođi po Trifuno sar po manuš savo čhuta fundo pale inkluzija Rromenđi. Lesko alav či tromal te bistrelpe a godova trubun te araćhen e terne manuša.

 

Raštrako sekretari ando Ministripe pale manušikane the minoritane orte thaj amalipasko svato Ninoslav Jovanović mothoda kaj kasave ćidimata araćhen thaj či den te bistrenpe e manuša save dine baro ažutipe sar e Rromenđe gajda vi e saste amalipašće.

 

Pale mende si o ćidipe savo ćerdam ando alav bare Trifunošće Dimićešće, a pale lesko baripe thaj bućaripe sa jek drrom motholpe šukarimava. Ćidamen e kamlimava te harne ande amare ginduja irisaras les te dikhas les, ašunas les, te haćaras lesko lačhipe, tea vas paše leste thaj te das les šaipe te ande mende džungavel jal te zurjarel nacionalno identiteto thaj te ande manuša save naj Rroma a maškar mende si ađes anel šukaripe te bi šaj majlačhe haćaren men. Averčhande sam, džungale najsam. O Trifuno godova mothol thaj sikavel, ande jek vrjama.