100 PALO AVUTNIPE

Naisarimava katar e Njamcicko buhljarimašće kooperacija trujal o program pale Inkluzija e Rromenđi thaj aver marginalizujime kupengo thaj ažitpe e Ministerijumosko pale manušikane thaj minoritane orrte thaj themesko svato, dikhline buća po projekto teljarrde ando januari thaj dine si gata 15. avgusto 2023. Bršesko. O projekto “100 palo avutnipe” si sasevesti inicijativa e rromnjanđi averčhande phurimašće strukturako, sićimasko, geografikane thanesko, averčhande stavonengo a ketane si lenđe godova kaj korkorre losarrde te aven kotor kale inicijativako. Gndino sit e po seminari aven čhutine 100 rromnja andar e 45 opštine a te 30% aven e rromnja/čheja save nisar najsas pe kasave inćarimata. O seminari sas koncipirime trujal duj moduluja, a sajekh moduli sas katar 4 radionice kaj sasmen šajipe te ašunas prekal 40 sikavne andar averčhande čhera thaj ćidimata, bare stručnjakuja andar pešće bućarimašće kotorengo.

 

Trujal angluno modeli si ćerrdine e teme pale godova kazom si vasno o sićope e rromnjango ande rromano ćidipem vasnipe e sićimasko sar fundo pale kvalitetno arrlisaripe ando trajo e Rromnjengo, lokalne instrumentuja palo ažutipe e inkluzijako rromane ćidimasko thaj sićope e puranengo a trujal dujto modeli si nakhadine e teme andar o sastipe thaj vazdipe e gndosko pale godova kazom si vasno o sastipe – nakhavipe e prevencijako.

 

Pe kava dujto kotor ćerdape svato palo čorrpe thaj majsig abjava. Pe kala pučimata vaćardine e Ružica Nikolić andar o Edukativno maškar andar e Subotica the Ljiljana Mihajlović šerutni pe Kancelarija pale inkluzija Rromenđi.