SIĆOPE, MARIPE THAJ INAĆARIPE

Ćidipe e Rromengo Novi Bečej fundosajlo ande vrjama kana perenas e bombe 1999. bršesko, kana astarrdilam but bare pharimava ando trajo e Rromengo, ulade e Rromnjengo thaj majbare čhutimava e interno našlengo pal Kosovo, po maj baro đindo kolengo save našle andar e Hrvatsko thaj Bosna. Formalno orrtale o ĆR “Novi Bečej” registrujime si 2000. bršesko. Angluni bari bući sas 2022. bršesko, fundosaripe anglune anglalsi kavne thanesko pale rromane čhavorra ando kamipe te majloće integrišinpe ando anglalsikavno thaj sićimasko sistemo thaj ažutipe e Rromnjenđe ando bućarimasko rodipe. Oale godova kaj sas baro stepeno e diskriminacijako ando sistemo thaj bizuralipe te ramon e čhavorra sar bibućarrne kaja bući but e rromnjanđe sas ažutipe. Pe bibah o projekto trajilas duj brš thaj palem godova.

 

E inicijatica ni trajisarrda institucionalno, a projektno či lundžarrdili pale buhli definicija pale segregacija. Katar 2007. Brš teljaras e SOS telefonova pe čhibja katar e nacionalne minoritetuja (rromane, rumunsko thaj ungrikani čhib), psihologijako thaj orrtalo ažutipe.

 

Amen sam feminističko organizacija savi trujal o aktivizmo thaj specijalne buća zurjarel e Rromnja thaj aver majbutikane marginalizujime rromnja palo trajo bi diskriminacijako thaj maripe ande Vojvodina. Aresimata su vi lačhe vi bilačhe. Lačhe kaj sam ando šajipe te lačhe das po trajo e rromnjango thaj čhejango thaj kaj daslen zor te inđarrdonpe opral o maripe. Trujal e buća sam ando šajipe te varekašće konkretno ažutis thaj arrlis o trajo. Pe bibah, bilačhe si godova kaj siamen baro pharipe katar e manušnja thaj crra love gajda kaj siamen haćaripe kaj ćeras e bući savi trubulas te ćerel e raštra thaj laće institucije. Majbilačhe si kaj butivar sam astarrde ande kasavo haćaripe kaj varekana vi o Maškaripe pale socijalno bući bičhalel e manušnja amende pe pherrdimasko jal konkretno ažutipe thaj gndin kaj amen si resursuja pale sa trubulimata, a len sar raštraće institucija naj. A trubul te avel averčhande.

 

Si amen griža vi pale godova kaj si amen butivar kola save boldenpe andar o sistemo socijalne araćhimasko save naj zadovoljne ažutimava katar e institucije thaj roden amaro araćhipe, a realno amen naj institucionalno zor te daslen.

 

Pe bibah vi majdur ande institucije dićhelpe o stavo, ulade lokalno te amen si love thaj kaj trubul te las kotor jekh kotor katar institucionalne buća, džikaj von kamen te fuljaren pal peste o rensposabiliteto ande nesave segmentuja (dićhipe thaj procesuja, ulade terenošće uladimata).