MILAJEŠĆE KULTURAĆE RAĆA

Šerutno po Parlamentosko e forosko o Mladeno Bogdano, sastarrda e manupen pe manifestacije thaj bahtarrdale pe rromani čhib, po ašaripe sa e manušengo. Pašo baro đindo e manušengo, po inćaripe sas vi e membruja andar o Forosko konsili e Valentina Mickovski thaj o Miroslavo Dučić. Membro katar o Forosko konsili savi ačharel pale nacionalne minoritatuja, manušikano jekhipe thaj griža pale familija e Ramona Tot inkalda kaj jekh majbaro aresipe jećhe themesko e kulturako thaj kaj o Foro Kikinda navek ažutila araćhipe thaj inćaripe e tradicijako sajekh themesko ando multikulturno trujalipe.

 

Po koncerto sas vi e pokrajinaći dikhljarrdi e Jelena Jovanović thaj šerutni po Orrtuimasko odbori ando Nacionalno konsili rromane nacionalne minoritetosko Srbijako, save ulaven o gndipe kaj si o čhinadipe katar e guverna Ruma te e „Rromani rjat“ čholpe ando oficijelno kalebršesko „Kulrturako milaj“ but importantno palo majlačho avutnipe, numaj si dićhipe te e rumako lokalno korkoroorrtuipe e Rromen dićhel sar jekhimasko kotor e ćidimasko.

 

Kulturane manifestacije thaj kulturno artistikane buća e Rromengo si crra astarrdine ande medije thaj atoska najame than ande šerutne institucije pale kultura thaj forošće manifestacije. Naisaras e Forošće Kikindaće thaj e Guvernaće Rumaće kaj pindžarrdine o importantipe thaj dine šajipe rromane themešće te avel kotor e manifestaci jako thaj te sikavel nevi rromani kulutra po kreativno thaj inovativno dićhipe, bi sikavipe kulturane thaj etnikane averčh andimasko, numaj, vazdimava univerzalne molimata save si amenđe ketane.

 

Paćav kaj ando avutnipe vi aver guverrne ande Vojvodina džana pala amende inkalda e Ljijana Mihjalović, šerutni pe Kancelarija pale inkluzija e Rromenđi.