Vakti: 1 min.
MOTHOVIMASKO LILARIPE ANDO TRAJO RROMANE ČHAVORRENGO
Vakti: 1 min.
Rromano mothovimasko lilaripe si but barvalo, kana džanelpe kaj e Rroma si them savo araćhel mothovimašći tradicija, thaj nakhavel las šelbršenca pe terne, ande averčhande kulture thaj averčhande vrjame.
Foto: Kancelarija za inkluziju Roma
Angluno manuš savo ćidelas mothovimasko therdipe Rromengo ande Srbija sas Tihomir Đorđević, savo 1933. brš ramosarda Romane themešće paramiča. Katar godoja vrjama dži ađes, nekobor pindžarde romologujra ćidenas e Rromengo mothovimasko therdip, katar o Rade Uhlik (BIH), Trifun Dimić, Rajko Đurić dži ko Alija Krasnići thaj aver.
Ramosarde garade alava, sar motholpe, sovljarde đilja, legende thaj paramiča, sikaven o trajo andral ande rromano ćidipe. Kasavi pilta themešći, hamime e kuluraće barvalimava, araćhelpe thaj nakhavelpe pe čhavora katar maj cikne pungrre.
Purane paramiča si paramiče pale godova sar teljarda o trajo pe phuv sar vi palo trajo devlengo the čohanengo save mećenpes maškar o them. Paramiča palo Del the devlešće manuša akhardon Devlikane paramiča (Đurić 2010:25). Rroma line o paćape andar e vrjama kana sas e Deve, gajda kaj ande romani čhib šaj te ašunelpe kaj palo Del motholpe Devel, sova gindilpe po Del tho čeri.
Jek katar e rromane paramiča si vi koja savi mothol sar thaj sostar o Del mudarda e Penga (Acković 2014:84), ande savi o Penga, rromano thagar, thradelaspe e Devleja ko si majzuralo, a kana o Del holajlo, mudarda e Penga „pešće zuralimava harada lesko thagaripe a lešće theme dija rromaja te džan katar e phuv dži ke phuv thaj te na naštik khatende ačhadon“.
O.V.
Nevimata save si povezime
O džanglipe e Kraljesko: Purane meritura, o maripe si te arakhel pes o Partizan
MEDIAKO PUBLIKANO KOTAR POVERENICA
DINE PLAKETE PALO AŽUTIPE E RROMANE INTEGRACIJAKO
