IGOR JOVANOVIĆ, DŽIPAŠERUTNO PO PARLAMENTO E FOROSKO BEOGRADOSKO

Mothon pala Tumende vareso harrne Paćivalipe pale sa save đinaven thaj naisaripe po šajipe te mothav tumenđe pala mande thaj te, pale akanutni vrjama trujal gadaja partin, majpaše pindžarasme. Te das svato palo formalno sićope, me sem diplomirime ekonomista, fundošće thaj maškarthemutni sikavni dem gata ando Beogrado.

 

Pe aver rig majbut mungrre vrjamako lavas palo naformalno sićope thaj khate dikhav pherrdimasko aresipe mungre ambicijengo thaj potencijalosko. Čhavorrikanipe nakhadem ando Beogrado, o barjaripe crrdelasma te ćerav averčhande buća, varekana maj crra interesantne thaj interesantne, numaj sa kola bi savengo khonik amender našti te mothol kaj nakhla thaj pindžarrda sa. Kana dem gata e Gimnazija, majanglal boldema po aktivisto thaj theripe averčhande džanglimasko savo vi ađes ažutilma personalno, a gndiv kaj si akana vi po ažutipe mungrre themesko.

 

Politika si buhlo alav ande savo hasarrdol kova so si gndo thaj motivo te avav ande late. Aktivizmo vi aver bući, ande leste o manuš šaj te del pešći energija thaj ćeripe e manušenca. Ćerimava e dukhavne, marginalizujime kupenca, trujal angle alavarrdo aktivizmo, dikhlem kazom si importantno personalno angažmano, kazom si importantno te das amare primerja thaj kazom si e manušenđe importantno sajekh dino vast thaj bar

zumavipe te ažutilpe.

 

Ande sajekh bući dikhlem lačhipe thaj trujal ažutipe alavarrde manušenđe maladem vi mungrro than ande sa kava. Politika thaj bući trujal e institucije palem godova aven sar

vazdipe, kaj trujal neve mehanizmuja šaj palem te ažutin e manušenđe, akana konkretne bućanca, a na samo e alavenca.

 

Našav katar phare thaj bare svatuja, pale save butivar či ačhel khanči. Ćerelpe pale mungrre amala, pašutne bešutne, familija thaj naj so te mothav lenđe so či mothodam jećhe avrešće ando svato. Amen sam jekh ašarrno them, talentujime, ođale, molarrne thaj nek sajekh godova sikavel ando pesko trujalipe, naj musaj khanči majdur, amen miškosa e buća but anglal.