NISAR NA TE AČHES, KAJ UVEK SI VRJAMA THAJ THAN KANA E PLIMA ARRLILAP

E pindžaren sar pozitivno, bućarrne thaj asame terrne manušesko savo sas čhutino ande but manifestacije thaj ćerelas humanitarno bući. Sar sikamno ande maškarutni sikavni džalas ke purane forutne thaj inđarelas lenđe o habe savo sas ćirado ando Domo.

 

Mothol kaj kava ažutisarrdale te dićhel čefal si trajo palal kapija e Domošći pale čhavorra, a pešće primerova sikada kaj si varekana majbut ando šajipe te ažućaren kola savenđe si praktikane o ažutipe vi majtrubulino.

 

Barilem ando sistemo palo socijalno araćhipe thaj semas ando Domo pale čhavorra thaj tern „Vera Radivojević“. Kana dem gata maškarutni sikavni ande Bela Crkva, ramosarrdem studije pale ekonomija ando Beogrado, trujal o ažutipe e projektosko pale socijalno inkluzija e čhavorrenđi bi familijaće araćhimasko talo alav „Generacija palo avutnipe“, trujal o ažutipe e Themešće Parlamentosko Republikako Srbijako thaj „Vojvodinaće lovarnjako“.

 

Majanglal duj brš dem gata o fakulteto, a akana ćerav sar koordinatori pale rromane pučhimata ande opštin. Bućarrno than koordinatori pale rromane pučhimata naj sistematizujime ande amari opština numaj gndiv kaj ande vrjama savi avela godova ćerrdino.

 

Ćeras butivar radionice thaj prezentacija thaj stimulišis e familije te haćaren kaj si o sićope motori normalne thaj paćivale trajosko. Godoleja sa majbut čhavorra čhonpe ando sićope thaj pale godova sem but bahtalo.

 

Rromane familije khonik či azbal te pešće čhavorren ramon ande sikavno than, numaj len naj love te džan ande godoja sikavni. Vi paše godova kaj sajekh ćhavorre si orrta po sićope, baro procento rromane čhavorrendar naj šajipe te aresel pešći orrta.

 

O.V.