THEMUTNO ČHAVORRESKO ĐES

Аčhavipe po maripe thaj muklipe sar vi lengo araćhipe. Konvencija pale orrte e čhavorresko, sar majimportantno maškarthemutno lil ando kotor pale manušikane orrte delamen musajipe po paćape line musajimatengo thaj sajekhđesutni bući po arakhipe thaj vazdipe e orrtengo pale ćhavorra.

 

Godova lil si trujalipe palo vazdipe thaj nakhavipe e orrtengo pale čhavorra thaj fundolpe pe štar fundome principipuja – orrta po trajo, inćaripe thaj buhljaripe; majlačho intereso e čhavorresko; orrta pe participacija thaj orrta pe nadiskriminacija.

 

Paše godova vi majdur si bare izazovuja džiko aresipe fundome orrtengo e čhavorresko, ulade e čhavorrengo andar e dukhavne thaj diskriminišime kupe ande save si e rromane čhavorra, save trajin ando čorrpe, inkalde andar o sićimasko sistemo thaj them, sar vi e čhavrrda pe ulica.

 

Haravipe e marimasko opral e čhavorra thaj diskriminacijako, theripe e jekhimašće уslovonengo palo trajo, sastimako araćhipe, сocijalno miro, kvalitetno sićope, pherrdi - masko ažutipe, ćhelipe thaj amalipe responsabiliteto si svakonesko amendar, a na samo e familijako thaj bućarrnengo ande institucije. Musajipe svakonesko amendar si te das šajipe te o čhavorro.

 

Orrta e čhavorrešći, sar vi sa e manušikane orrte, biuladimašće, von si sajekh čhavorrešće pe planeta thaj nijekh orrta naj majimportantno katar aver. So majbut pala godova džanas, dasa e čhavorren šajipe te majloće nakhavenle, numaj vi te arakhasle katar kola save pharravenle, kamle jal na.

 

О.V.