SIĆOPE SAR JEKH THAJ JEKHUTNO DROM, PAĆIV ANDE TUTE THAJ DIĆHIPE PO LAČHO REZULTATO

 

Manušukane thaj minoritane orrtenca ćerav aktivno ande palune 15 brš. Po teljaripe trujal o BVO sektori, a sigo trujal e institucije sistemošće, dićhimava kaj si godova drom kaj majsigo ćerenpe e politike save den majlačho trajo e forutnengo. Sar membro ando Kabineto e šerutnesko pe guverna averčhande bućenca ande guvernako ortuipe e Inđijako nakhadem trujal 10 brš harrne ačhimava, arrlisarrdem trin guvernaće.

 

 

Ažutil but čačes. Godola si sunakune therrdimata. Ulade si importantno godova kaj sem vareko ko but vrjama sas maškar e forutne, ande lenđe thana sar phenelpe. Khote maladem but bare pharimatenca save si ke Rroma. Godola si avrjalvrjamaće pharimata sar me varekana akharavle. Dićhen e manušen thaj čhavorren save trajin ande uslovuja save naj palo manuš.

 

 

Raštako sekretari si vareko ko ažutil e ministro/ministarka ando bućaripe, trujal e buća save del les o ministro. Mungrro resori si antidiskriminacija thaj nakhavipe manušikane thaj minoritane orrtengo po lokalno niveli. Raštrako sekretari si funkcioneri saves alavarel thaj fuljarel o Gavermento, a o mandato trajil kazom o mandato e ministrosko.

 

 

 

Me čačes gndiv thaj džanav kaj šaj but. Kana mothav godova ambori gndin kaj si kliše. Ambori vareso so ažućarelpe trmotholpe. Dava Tumenđe nekobor argumentuja palo mothodino. E ministarka Ministerijumosko pale manušikane thaj minoritane orrte thaj themesko svato, si vareko ko si but posvetime pale integracija, savi ando pesko bućarrno plano pale brš đes čhuta godova sar jekh katar prioritetuja, bare džanglimava thaj pindžarimava e krisako thaj proceurengo „ando cinorro naj“ sar phenelpe, vareko savestar sićon sajekh đes vareso.

 

 

Naj muklipe! Sićope si ćija palo nakhavipe sa e pharimatengo! Siman adeto te mothav – čorre sam kaj sam bisikade, a bisikade sam kaj sam čorre – Godova si jekh trujalipe andar savo phare šaj te inkljelpe, numaj palem šaj pherrdemas!

 

O.V.