KULTURA E RROMANE NACIONALNE MINORITETOSKO

Delpe svato pale neve metode palo sikavipe e rromane kulturako ande Vojvodina, save e Kancelarija sigo sikavela. Sas svato vi palo šajipe te vazdelpe o budžeto savo delpe e ćidimatenđe pe bršešće konkursuja andar o budžeto AP Vojvodinako.

 

Inkalda kaj si e kultura jekh katar majimportantno, tena vi majim karakteristika thaj manušikane ćidimosko. Dićhimava aver themesa thaj nesave nacionalne minoritetova ande Srbija, e Rromen ađes si nesavi kulturno ćher jal institucija –mothol o Tanić.

 

Vov inkalda kaj naj ande trubulimašći mera ćerrdine materijalne thaj aver dićhimata palo buhljaripe rromane kulturako, čhibjako thaj kulturane trajosko thaj kaj si e kulturaće-umetnikane ćidimata jekh obliko thaj dićhipe kulturikane trajosko e rromane nacionalne minoritetosko thaj pale godova ande leste trubul majbut te delpe.

 

O Tanić čhuta dićhipe e manušengo andar o Pokrajinako sekretarijato pale kultura, kaj trubun te therenpe majlačhe uslovuja pale akanutne kulturane institucije numaj ćidimata thaj te ćerelpe pe godova te fundosarrdon neve ćhera savi trubun palo nevo kulturako rromano buhljaripe.

 

Sikavipe aver themenđe kaj vi e Rromen si buhljarrdo kulturako identiteto, šaj samo trujal averčhande manifestacije, majbaro sikavipe e pozitivne primerengo ande medije thaj direktni kooperacija aver themeja thaj etnikane grupenca.

 

E Kancelarija pale inkluzija e Rromenđi ažutimava Pokrajinaće Sekretarijatosko pale kultura, gndil ande paši vrjama te ćerel ando Novi Sad jekh kasavi manifestacija pe savi sikadola barvali kulturaći cikna rromane themesko save trajin pe kala than.

 

O.V.