KLUBO „ASTAR O ŠAJIPE”

Po putaripe sas džipašerutno pe lokalno korkorroortuipe Žabalj palo sićope, kultura thaj avrjaluno informišipe o Sergej Zaporožac thaj šerutni po Ćidipe e rromnjango “Romena” e Ljiljana Mihajlović.

 

Opština Žabalj ando kontinuiteto ćerel po vazdipe e standardosko e kava than, gajda kaj si sa manušikane ćidimata čhutine. E opština kamel te savorenđe save si dukhavde ažutil, numaj vi te sikavel lenđe čačuno drom kana si ando pučhipe profesionalno orijentacija. Korkorro klubo “Astar o šajipe” nakkhadol ande kooperacija e Sajekhutne konferencijava katar e foruja thaj lokalne korkoroorrtuimata thaj ćidimova e rromnjengo “Romena”.

 

Vov trubul te avel lundžarrdi alka, ando gndipe e socijalizacijako terrne Rromengo thej Rromnjengo. Godova ćerasa trujal averčhande edukacije. Kova so akana nakhadol si e sićimašće programuja veb dizajnosko thaj bio barjako.

 

Gndiv kaj lačhe lačharasa kava klubo. O lokalosko korkotoorrtuipe ažutila vi logistikane vi tehnikane. Godoleja therasa jekh nevo themesko kotor terrne Rromengo thaj Rromnjengo savo avena ando šajipe te aven čhutine ande sa themešće tokuja, mothoda o džipašerutno e šerutnesko pe Opština Žabalj o Sergej Zaporožac.

 

Kamipe kale projektosko si te ažutisaras terrne Rromenđe, te vazdas e mehanizmuja thaj te šaj te len e usluge, sar von avilesas majaktivne po bućarimasko than. E terrnen avela šajipe te pindžarrdon e džanglimava pale komunikacija, timošće bućava.

Ulade si importantne duj bare edukacije, ćeripe veb dizajnosko thaj bio barjako. Gajda palem planirilpe vi te ćerenpe e tematikane rjaća. Pe lende e terrne pindžarrdona e tehnikava sar ćerelpe o bućarrno plano. Avela len vi šajipe te ašunen marketing džangle manušen save dena len but lačhe konsilane svatuja”, inkalda e Ljiljana Mihajlović.

 

O.V.