ANDE VRJAMA SAVI AVEL BIPOĆINDIMASKO ORRTALO AŽUTIPE

Sa socijalno dukhavde manušen avela šajipe te jekh data ando kurko đes den svato thaj te inkalen pešće orrtale pharimata, studentonenđe, asistentonenđe thaj profesorenđe pal Fakultet pale orrte ando Novi Sad.

 

Pale kala buća pale patrin „Dekada e Rromenđi“ mothoda o šerutno pe inkluzija e Rromenđi thaj mothoda kaj si e Kancelarija akana ando svato e Fakultetova pale orrte ando Novi Sad trujal o fundosaripe e kotoresko katar e Orrtali klinika ande kaja pokrajinaći institucija.

 

- O svatuja teljarrdine po agor nakhle bršesko, a lundžarrde si vi ande kava brš. Katar o Fakulteto pale orrte andar o Novi Sad, katar o dekano, ažućarav te del lačho gndo pe amari ideja thaj kaj e studentuja, asistentuja thaj profesorja jekh data ando kurko đes avena ando Novi Sad, numaj inkluzija sar ažutisarrdinesas ande orrtale buća majdukhavne manušenđe.

 

Vov mothoda kaj e Orrtali klinika majanglal ćerena palo araćhipe katar e diskriminacija thaj ćherutnorrtale pučhumatenca, pale godova kaj si kala duj pharimata majbu ke Rroma.

 

- Studentonen thaj lenđe profesoren majbut bući avela ko araćhipe e Rromengo thaj Rromnjengo katar e diskriminacija pe savo god fundo thaj trujal nakhavipe ćherutne-orrtale pučhimatengo. Dži akana akharrdinemen e manuša averčhande rodimatenca palo orrtalo ažutipe, numaj majbut akharimata sas pale kala duj pharimata, thaj pale godova andam čhinadipe pe poteljaras e Orrtali klinika – phenda vov po krajo.

 

O.V.