Vakti: 1 min.
MAJIMPORTANTNO SI TE ARAKHADON E ČHAVORRA DŽIKAJ BEŠEN ANDE SIKAVNE SINIJE
Vakti: 1 min.
E čhavorra katar angluno džiko štarto klaso džana ande sikavni anglal ismeri. Klasuja saven si majbut katar 15 sikamne uladona ande duj kupe. Avela len majbut džike štar časuja po 30 minutuja, baro hodinipe avela len 15 minutuja.
Foto: A. Mićić
Palem godova blok časo, šlavipe e sikavne thanesko, thaj po klaso palemismeri aresen e sikamne katar pandžto džiko ohtoto klaso, mothodino si po paluno bešipe ando Ministerijumo palo sićope.
Šerutno pe inkluzija e Rromenđi mothoda kaj si o sikavipe e čhavorrengo but importantno, a ulade pale Rroma, numaj kaj si ande kaja vrjama majimportantno te sa čhavora thaj lenđe pašune arakhadon katar o viruso.
Sikavipe si majbilačho modeli, tena naj ande kombinacija nesave aver modelova. Rodimata sikade kaj 22 procentuja e familijengo našti te therel te vareko lel sama e čhavorren, pale godova o Ministerijumo anda čhinadipe te majterrne čhavoora džan ande sikavne thana trujal sa mere palo arakhipe.
Dav paćiv kale čhinadimašće katar o Ministerijumo, numaj gndiv kaj trubul te therrenpe sa mere palo arakhipe ande sikavne thana, te avilo džiko bikontrolikano buhljaripe e nasvalimasko maškar e čhavorra, savorra avasa ande phari situacija.
O ulade sikada griža pe godova kaj e familije musar te kooperišin, te e čhavorrešće dićhen dal sile temperature majsig so džala ando sikavno than. Te ando sikavno than sikadile simptomuja katar e respiratorrne infekcije, e sikavne majsig trubul te akharen ande kovid-ambulanta, a e sikamne te mothon godova e sikavne manušešće.
O.V.
Nevimata save si povezime
Ko avutnipe, o them ka lel o kosto te gatisarel e terne informatikane džanglimata vash e konkursura
BUĆARRNO ORRTALO STATUSO E KOORDINATORENGO PALE RROMANE PUČHIMATA
Džobaja pali 100 najčačalne čhavenge doktorura thaj 140 diplomirimeja đakurutniqe majštime škole
