PROGRAMO PALE RROMANE STUDENTUJA

E studentonen del ažutipe ando nakhavipe e anglikane čhibjako, akademikane ramosarimasko, kritikane gndimatesko thaj džanglipe palo sićope pale maškarthemutne diplomaće studije ande kotora sar kaj si e avrjaluni politika, manušikane orrte, sociologija, istorija, bijandimašće studije, politikane džanglimata thaj ekonomija.

 

Lačharimasko program del e studentonen trubulimasko džanglipe palo izozovonengo nakhavipe pe master studije. Majbaro đindo e studentonengo andar o Lačharimasko programo lundžaren pešće studije pe stipendirime master, palem godova pe doktorikane programuja, pe anglikani čhib pe majlačhe univerzitetuja.

 

Von šerutne malaven e bući ande maškarthemutne ćidimata, rodimata jal ande lokalne bivladaće ćidimata. O programo del vi lovengo ažutipe kole studentonenđe save kana den gata o program lundžaren te ćeren o stažo savo del lenđe but lačho bućako džanglipe.

 

Lačharimasko program si finansirime katar averčhande fondacije, korporacije jal personalne donatorja save ćeren pe godova te phandaven o sićimasko bijekhipe e rromengo thaj aver populacijako. E sponzorja džanen kana but lačhe studentonenđe den trubulimasko ažutipe thaj šajipe te von pheren pesko potencijali phanglo palo sićope thaj rodipe, von aven po gndo kaj arrlin o them.

 

O.V.