Vakti: 1 min.
TRUBUL SO MAJSIG TE THERENPE MAJLAČHE USLOVUJA PALO BUĆARIPE E RROMENGO
Vakti: 1 min.
Vi paše averčhande mere palo aktivno bućaripe save nakhadon ande Republika Srbija, situacija ande savi maladon e Rroma vi majdur si phari. Vi paše godova kaj si but Rroma thaj Rromnja bućarrde ande nakhle duj brš, vi majdur si but rromane familije saven naj nijekh pherrdevrjamako bućarrdo membro.
Foto: A.N.
Po bešipe, savo si inćarrdo ando Novi Sad, a savo inicirisarrda o šerutno pe Kancelarija e dikhljarrde Ministerijumo pale bući thaj socijalno politika, Pokrajinaće sekretarijatova pale privreda thaj turizmo, sar vi e bivladaće ćidimatenca andar o Novi Sad, Subotica thaj Sombori, dino si gndo te putarrdon e socijalne firme, sar vi ulade agencije save avilenas ande kooperacija e Nacionalne ćhereja palo bućaripe, kašći bući avilisas o bućaripe thaj korkorrobućaripe e Rromengo thaj Rromnjengo.
Sar inkalda pale patrin „Dekada e Rromenđi ande Vojvodina“, korkorrobućarrde Rromen, pherrdimašće učharel vi kova so učharel aver korkorrobućarrnen – vuče porezuja thaj aver raštraće poćinimata. Pale godova mothoda kaj zumavela trujal o svato kolenca save anen čhinadipe po lolalosko, pokrajinako thaj nacionalno niveli, te poteljarel afirmativno akcija.
Po dićhipe pe mere save nakhkadon ando sićope rromane sikamnengo thaj studentonengo, thaj te godoleja majloće putaren pešći bući pale kola Rroma saven avela čhutine uslovuja.
Te e manušenđe das adekvatno thaj lačhe poćindi bući, te theras e stipendije ando sićope pala lenđe čhavorra, sima zuralo gndo kaj but ciknjarasa kolen save roden o azili ande phuvja zapadne Evropako thaj kaj e rezultatuja avena sigo dikhline.
O.V.
Nevimata save si povezime
MOTHOVIMASKO LILARIPE ANDO TRAJO RROMANE ČHAVORRENGO
DINE PLAKETE PALO AŽUTIPE E RROMANE INTEGRACIJAKO
DINI E PLAKETA PALO AŽUTIPE ANDE INTEGRACIJA THAJ VAZDIPE E THANESKO E RROMENGO
