Palo džuvljikano čistope bari trauma, averenđe pravo pe izborja ando SAD

E odluka kotar o Majbaro sudo kotar SAD pre duj breša panglo si o pravo po čistove e džuvljengo i goda sasa bari rasprava mašakere manuša save bešen kate, ali i ande sasto sveto. E republikancura kaja odluka prihavatisade sar bari popbeda, a e analitičara phende ke kava potezo koštisa kala stranka e pobeda ando Kongerso ando 2022. breš.

 

Nakhlo but vrajam godolestar, ali kava pučhišpe si i dalje ando baro fokuso ka glasačura, naj ništa čudno godolese ke e manuša mislin ke će kava pučipe, pale te odlučil e izborja za predsedniko save ka ćerenpe ando novembro.

 

O profesori kotar e političke učimata kotar Univerziteto Nevada, o dr David Damur, phenda amenđe ke si o pučhipe taro čistope e džuvljego but inmportantno za sa e glasačura tare demokratsko stranka.

 

“O mudaripe kotar e presuda taro RO protiv e Vejda značisada but za sa e demoratura. Kava naj sasa samo ande amare države kaj si majbut e republikancura, sar si o Kanzas ili sar kate ando Ohajo. Ande Nevada kola ćidimata save manđen te kaja incijati pogurin i dalje. Ako kava desilape šaj te ćerelpe e mobilizacija tare sa e demokratura te tare nezavinse glasačija, save naj bahtale zbog kaja odluka, phenda o profesori Damur.

 

O čistope e džuvljengo si zabranime ando Teksas, Alabams, Arkanzas, Ajdaho, Indijana, Kentaki, Luizijana, Misisipi, Misuri, Severno Dakota, Oklahoma, Južnoj Dakota, Tenesi, Zapadno Virdžinija, a ande Arizona šaj majkasnije dži ka 18 nedelja kotar o bijandipe.

 

 

O Ohajo sasa jek taro cikno numero e državengo kaj o čistope avilo sar rezultati kotar e odluka e sudosi. Kaja odluka brzo peli i promenime si.

 

E manušnji objasnisada ke lengo ćidinipe ni magla kaja odluka te avel i shvatissade ke mora te borimpe.

 

“Dži ka promena avilo kana ando january taro prošlo breš počnisadam te ćidas e potpisura za peticije, a dži ko krajo tare kaja akcija ande država Ohajo ćidam me but tare 700.000 potpisura. E manuša sesa uzbudime ke potpisade e pericija”, penda voj.

 

“Tare razliika kotar o avgist, ando novembro akljisto 3,8 milionura manuša i o amandmani palo o džuvljikano čistope pobedisada”, objasnisada voj.

 

 

O Ohajo sasa jedino država ando 2023. breš savi sasle mogučnost te ćerel o ustavno pravo po čistope ande sasti država.

 

 

Ande država Ohajo o pravo po čistope e džuvljengo irisaljo, ali ande kaja savezno država postiojin e ćidimata save borimpe protiv kaja odluka. Piter Rendž (Peter Range) kotar ćidiniše “Ohio Right to Life", savo mangel e zbrana taro čistope, ćerda svato po primore taro lesko dad, savo duj droma ačhilo ande paraliza od đoro dži ka prne i godole si o pravo po dživdipe maj importantno.

 

“Me misliv ke mora te prihvatis ke si kava but phare situacije. Naročito kana si o silovanje e džubljenog ando pučhipe. Ni postojil ništa gija opasno sar kava krivično delo, ni ništa naj me opasano nego godiva seksualno ulostavljanje. Godiva si bari trauma, but bari trauma za sasto dživdipe. Ali i o čistope si bari trauma. Jek trauma ni lečilpe sa aver trauma, phenda vov.

O Pitro posle kava phenda ke mora te smanmjilpe e cena kotaro o bijandipe i lego senatori već ćerel svato kato kava pičhipe.

 

“Man si štar čhavora i mangav te mori romnji bijanel i pandžto. Šaj te sićos ke o bijandipe kate ando Ohajo avel beslatno, te na aven e barijera za love. Kala si strvara ande politika save mora te rešimpe, gija ka zadovoljis sa e rodimata kotar e deja save džan dum uz dumo. Ako mangas te rešis kava problemo, naročito o pučhipe papa e droge thaj o čhoripe, mora te avelamen zulale dada te zulale porodice, phrenda po krajo vov.

Kala duj odvojime sturje si but zualale ando Ohajo sar pe stravura gija i pe manušengi podrška, mislipe ke će o konačno odluka e sudok ka aven neve glasačija pe novembarske izbora.

 

O.V.