VI LILVARRNI VI KLASO

Inđarrdini e gndimava katare „Dekada e Rromenđi“, o ortuipe Forošće lilvarnjako ando Novi Sad, po čikat e šerutneja Draganova Kojićeja anda čhinadipe ando 2009. brš palo fundosaripe lilvarnjaće krjangosko ando than „Šangaj“.

 

Andino si o čhinadipe te e lilvarrni inđarel o alav „Trifun Dimić“ anso sumnalipe bare romologosko, nakhavimataresko thaj lilarnesko Trifuno Dimić (1956-2001).

 

Putaripe e krjangosko ando Šangaji avilo po pozitivno dićhipe ke bešutne forutne, majbut ke čhavorra. Lokalošće forutne po putaripe dićhenas sar pe senzacija, bidićhimava kaj e lilvarrni šaj te ćhelel importantno rola ande lengo sajekhđesutno trajo.

 

E Rromenđi ažutisarrda o fundosaripe thaj ćeripe e krjangosko thaj therrda pala lende love pale poćina ande godova krjango. Palem godova kaj o krjango sikada but lačhe rezultatuja i o than pale jekh rromano vučesikamno manušnji – Dragana Dimitrov, savi si profesori dasikane lilarimasko thaj čhibjako, savi si katar 2010. dži ađes aktivno ando krjango ando Šangaji.

 

Angluno drom ande jekh lilvarrni ande Republika Srbija šaj dićhen baro đindo e lilengo inkalde pe rromani čhib. Vi sar najbaro, o fondo e lilengo pe rromani čhib si impresivno ando dićhipe pe rromano lilaripe, savi si vi akana but cikne đindosko thaj naj ando trujalimasko dićhipe rromane populacijako.

 

Krjango Forošće lilvarrnjako ando Novi Sad „Trifun Dimić“, Šangaj si pala forutne ando Šangaji, majan- glal pale čhavorra save džan ande sikavne thana, gata 5 brš. E lilvarrni đinel 400 membruja, maškar save si majanglal e čhavorra fundošće sikavnjaće barjarimasko, numaj vi e rromane studentuja save len o fondo lilelngo pe rromani čhib, palem godova e manuša andar o bivladako sektori, numaj vi majphureder manuša andar o Šangaji.

 

Kava lilvarrnjako krjango trujal averčhande buća vi majdur crrdel but čhavorra, savenđe šukar than saves si e lilvarrnji vi majdur majkamlino than ando Šangaji.

 

O.V.