KULTURA SI JEKH KATAR HEMIMPORTANTNO PRODUKTORA ROMANE KUPATNIMASO

Akcentisarda kaj si e kultura jekh katar manajutnikani, te na hem manajutnikani karakteristika manušesi thaj manušikane amaljimaso, generalno. Po averćhanipe katar aver thema thaj disave nacionalno mineritetora ane Srbija, e Roma ađive siljen po disavi kulturaći direkcia ja institucia.

 

Vov pherda kaj vađaj naj sodi trubun ćerdine materijalese thaj aver pretpostavke te barol romani kultura, e ćhib thaj kulturako đuvdipe thaj e kulturaće-artistikane amaljimata jekhutni forma thaj dićhipe kulturaće đuvdimasko romane nacionalno minoriteteso thaj goljese an ljende trubusarel te investirilpe.

 

Ano resljipe araćhimasko, ćhulpe sama, bararipe thaj themutno mothodipe kulturaće kuštimaso, ćhuta sama reprezentatorenđe pokrainaće sekretarijatese e kulturaće, kaj si trubutno te araćhenpe majlaćhe ćhinadimata e akanutne kulturaće institucienđe ja amaljimatanđe thaj te ćerdolpe pe gova te fundosarenpe neve direkcie save si trubutne akanatut- nevaktesko kulturaće bućarnimase Romenđe.

 

Te mothodolpe avere themenđe kaj vi e Roma siljen i te sar barardin, jekhutno si šajikano andral majbutđinde manifestacie, majbaro mothoipe pozitivno misalenđe ane mediora, thaj direktikano amaljipe e avere themenca thaj etnikane grupenca.

 

Katar e pokrainako sekretariati e kulturaće, resoresko ministeriumo thaj sa aver themese thaj lokalno institucenenđe, ašuđarav te maladonpe amenca thaj kupa ćer majlaćhe ćhinadimata te barardonpe terne manuša save siljen so te motho pire nacionalno kupatnimase, aj vi avere themenđe save trujalisaren ljen.

 

O.V.