JEKH KATAR FUNDUTNE PRIORITETORA FOROSE SI INTEGRACIA ROMANE KUPATNIMASKO

Naisisarda e forutnese Labanese, pe sa e ljindine akcie save sesa dromardine po laćharipe thaneso romane kupatnimasko thaj vaćarda kaj o foro si hemlaćho misali majlaćhe bućarimasko maškar andutne ćhinadutnengo thaj romane kupatnimasko.

 

Vov pherda kaj si paćvaljikane jekhutni an amari phuv, sebepo kaj sila duj angažime koordinatora pala romane pućljimata, panđ pedagoško asistentora thaj jekh sastimasi mediatorka, a sa naisarimase seriozno ljindine inciativengo forose direkciaće. Paša angažipe ane forose institucie akalje but importantno pozicie pala integracia Romenđi thaj Romnenđi, ane palune panđ boš, implementirisarda varegaći bare projektora, save si finansirime lovenca maškarthemutne agenciengo thaj Evropaće uniaće.

 

Po bešipe vaćardasape katar e programora save e Thagarutni realizisarel kana si ano pućljipe laćharipe thaneso romane nacionalno minoriteteso. Ljipardasa đandipe inicijativako savi e forosi direkcia miškoisarda, ano segmenti korkorobućarimasko romane populaciako, andral o bućaripe e lokalno organizacienca civilno amaljimaso.

 

Sa e nakhljardine aktivimatanca, sar jekh katar e forora an savo đuvodsarel hembaro đindo Romengo, mothoda gatisaripe te ćaće angljarelpe o than romane kupatnimasko, a na već katar gova pharipe te vaćardolpe.

 

E Kancelaria ka ćerel te e sektora po lokalno thaj regionalno niveli phandenpe, thaj pe gova ćhand, o thavdipe informaciengo sig te resel đi ke relevantno aktera save šaj te den andipe te rešisarelpe dikhljardino pharipe. Pe gova ćhand ćerdonpe neve dićhimata komunikaciaće savo ka den majlaćhe rešenja – vaćardasa vov po krajo.

 

O.V.