SEMNOSARDO MAŠKARTHEMUTNO ĐIVE DEJIKANE ĆHIBAKO

Romenđi vaćarda e “Novosadsko nevimase” kaj svako duj kurće mudardolpe po jekh ćhib. Fundo te đuvdosarol e ćhib si te nakhadolpe ćhavorenđe, te avel lje institucionalno dumo, piro alfabeto, te laćhardolpe ane sikljarne thaj e medije.

 

Vov mothol skandinavsko modeli an savo si po efta ja ohto časora ano kurko dejikani ćhib, a ane Grčka si majcra inja časora. Ke amende si gova katar angluno đi ko panđšto klasa panđ časora ano kurko, katar o šovto đi ko ohtoto štar časora ano kurko, ane maškarutni sikljarni, gimnazije hembut štar časora, đi ane stručno sikljarne vađaj mukljardino – vaćarda o Mislimi.

 

Kana si lafi katar e romani ćhib e elementonca nacionalno kulturako savo ane vojvođansko fundose sikljarne sićolpe majbut katar e 20 boš, a ano aver kotor Srbijako ak duj sikljarne boš, o Nikolić sikavel imortantipe te avel akava predmeti, thaj ašuđarel kaj svako sikljarni an savi si interesiripe te sićolpe romani ćhib, akava predmeti ćhulpe sar alosarno predmeti savo ka sićolpe sar te na trin časora ano kurko.

 

- E ćhib si đuvdi kategoria, e ćhib barol thaj sa gova trubul te dićhelpe, po alav, goja si bući prosvetno thagarutnengo, aj vi avere instituciengo thaj jekhutnengo save sićon romani ćhib, te organizuin po khaj drom nevljaripe.

 

E lingvistora ćhun sama kaj o niveli romane ćhibaće kulturako thaj sićimasko si but bizuralji thaj kaj si but verbalno perimata. Naj sodi trubul bari minca te e ćhib laćhardolpe, te e ćhib araćholpe thaj katar gova ćerolpe hesapo. Đangljolpe, e mediora siljen bari bući, von si i šeni vi vaćarimase kulturako thaj kupa mothodimasko.

 

Sar vovda vaćarel, e inkluzia Romenđi an akava boš ka nisil iniciativa te implementirilpe projekto savo ka avellje resipe te e romane sikljarnenđe araćhen thaj anen pustika thaj didaktičko materiali te sićolpe romani ćhib.

 

O.V.