NEVE MODELORA PUTARDINE VAĆARIMASE ANO VAZDIPE MINCAKO KATAR IMPORTANTNO SIĆIPE ROMENGO

Vaćardilosa katar o stipendiripe romane sikljarnenđe thaj studentonđe thaj dikhljardine sesa neve modelora putardine vaćarimase thaj kampanja save ka ljenpe ano vazdipe mincako roditeljengo katar importantno sićipe thaj majbare ćhutimasko sikljarnengo romane nacionalitetoso ano sićimasko sistemi.

 

Voj vaćardasa kaj svako akcija savi sila resljipe te vazdelpe kolektivitesi minca katar o sićipe laćhi thaj e moda putardine vaćarimase trubul te lunđardolpe. Vov sikada kaj o modeli stipendirimasko sikljarnengo thaj studentongo savo ljel o REF si but laćho, thaj o Ministeriumo prosvetako trubuja te funkcionisarel pe govaprincipi kana si ano pućljipe konkursora thaj dindipe sikljarikane thaj studentenđe stipendije.

 

Inkluzia e Romenđi thaj o Nacionalno konsili romane nacionaliteteso, sar duj importantno institucie ano them save ćeren bući pućljimatandar romane kupatnimase, te aktivno ljen ćhutipe ano kreiripe neve modeleso kampanje te vazdelpe nivelo sićimasko ko romano kupatnipe thaj bararipe đindoso stipendiengo e sikljarnenđe thaj studentonđe.

 

Romano sićimasko fond anakava thaj avutno boš e sikljarnenđe maškarutne sikljavnenđe save silje proseko katar e 2,5 đi ke 3,5 save aplicirisarde e stipendienđe ko Ministeriumo prosvetako, ka del stipendie thaj ka ćerel pe gova te akava trendo lunđardolpe, aj pe averćhane ćhinadimata.

 

Akaja stipendija ka ljen 310 sikljarne. Ano avutno vakti, o REF ano ćaćovakti ka informišil zainteresime katar o datumo poćinimasko stipendiengo thaj o ćhand sar te konkurišin e sikljimase 2023/2024 boš.

 

O.V.