Džišerutni pe vlada Srbijaći

Koordinatori maškar e raštraće institucije thaj bivladaće ćidimata mothoda e džišerutnjake katar o ćidipe Amnesti Internešenel pale Evropa Gauri van Gulik kaj gadaja orta avela anglal činadimasko dićipe džiko opaš novembri, a džiko agor novembrosko trubul te avel andino katar e vlada Srbijaći thaj ando parlamento džiko agor e decembrosko.

 

Mihajlović mothoda kaj naštilape majdur pe zor te miškonpe e Rom andar pire ćhera numa musaj avela nakhade ortaće činadimata, ćerelpe svato thaj delpe šaipe palo ortako ažutipe sar vi te araćelpe lenđe aver bešimašće thana thaj sa aver so trubul. Voj mothoda kaj e manušenca andar o Amnest Internešnel ćerda svato andar e Rrom ande Srbija thaj dija gođi kaj e vlada nakhavel projekto savo vazdel o romano trajo po majvučo nivelo priko savo si ramosarde sae rromane carre saje ande Srbija si majbut katar 160.

 

Phenda kaj e Rrom musaj te trajin sar vi aver nacionuja ande Srbija andar godova kaj vi von si manuša andar e Srbija thaj trubul ter avel len sar savorren šaipe palo sićope, sastipe thaj socialno. Voj mothoda kaj importantno si akane e orta avela činadi vi te nakhadol. Mihajlović po bešipe sikada vi manušes savo sikavel gođi pale inkluzija e Rromenđi e Zoran Tairoviće. Gulik naisisarda e džišerutnjake pe vlada Srbijaći thaj lačo miškope thaj vazdipe e romane trajosko po majvučo niveli ande Srbija thaj phenda kaj lengo ćdipe ažućarel te ande Srbija avel činadi e orta palo bešipe savo angljarela o Romano trajo.

 

Voj phenda kaj godoja orta trubul te avel ramome pe maškarthemutne standarduja sar vi sa koja so si ćerdino ande palune šov brš , te na avel pale zorava miškome e Rroma andar pire bešutne thana. Guli mothoda kaj e Rromenđe musaj te avel arakhadino bešimasko than kana musaj te miškone andar pire thana.