Vakti: 1 min.
PHARO MALAVIPE E RROMENGO PO ZAPADNO BALKANO
Vakti: 1 min.
Regionalno rodipe palo malavipe e Rromengo po Zapadno Balkano nakhado ando 2024. brš sikada kaj marginalizujime Rroma vi majdur maladon e phandadimašće dromesko pale šajimata ande sa e aspektuja manušikane vazdimosko, katar fundošće orrte, priko sastipe, sićope, bešipe, bućaripe džiko trajosko standard.
Foto: UNDP
Ande Srbija si baro jazo maškar marginalizujime Rroma thaj lenđe narromane suseduja, specijalno ke terrne – marginalizujime Rromen save si purane 18-24 brš si duvar majcrra šajipe te aven astarrde e bućava, sićimava jal treningova (27 odsto), ando dićhipe e 58 odsto narromane terrnimatengo.
Godova si trajošće implikacije , kaj blokiril majdur šajipe palo bućaripe. Marginalizujime Rromen save si purane 15-64 si duvar majcrra šajipe te aven bućarrde ando dićhipe pe lenđe narromane bešutne.
Vi paše lačhe majlačhimata, majbut katar tranda procentuja marginalizujime Rroma 18-21 brš naj fundošći sikavni. Pe aver rig, skoro sa andar goova puranipe andar e narromani populacija si areslino kava niveli sićimasko.
Kana si pučhipe vuče sićope, jazo ando dićhipe pe narromani populacija ande Srbija majbaro si ando dićhipe sa aver phuvjanca po Zapadno Balkano. Paso kolengo save dine gata o vučo sićope si samo 1%, ando dićhipe pe 23% ke lenđe narromane suseduja.
Pherrdimasko rodipe katar o UNDP sikavel kaj si specijalno pharo o malavipe e Rromnjengo po Zapadno Balkano. Ando čhinipe 9 katar 10 terrne Rromnja naj ando sistemo palo bućaripe, sićope jal treningo, 2 katar 3 Rromnja naj pešće love, džikaj 1 katar 2 bućarrde Rromnja naj sastimasko jal penziono osiguranja.
O.V.
Nevimata save si povezime
Avdive si o dive e dukhako ani Srbia sebepi e tragediako ano Novi Sad
O časo e vramako avel! Kana avela o tato fronto: Aźukerelamen e balval katar kaja data
O miholjsko milaj si još ande Srbija
