ĆIDIPE E RROMENGO NOVI BEČEJ

Jekh katar anglune sistematikane bućengo e Ćidimosko sas angluno rromano anglalškolako sikvno than savo dija majfeder integracija thaj majbaro ramosaripe ande fundosko sikavno than ande vrjama katar 2005. brš džike 2006. brš.

 

Akana jekhutno SOS telefono pe minoritane čhibja (ažutipe pe rromani, ungrikani thaj rumunsko čhib) kamimava te del svatosko thaj primarno ažutipe e Rromenjenđe thaj minoritane rromnjanđe savo haćarrde o maripe. Katar o aprili 2018. brš o SOS telefono pe minoritane čhibja therrda nacionalno licenca pe 5 brš trujal e Mreža SOS Vojvodina.

 

Specijalno dićhipe das po rromnjaći orrta po sićope, sastipe, bućaripe, orrta po trajo bi marimasko sar vi po korkorro losaripe e partnerosko. Trujal informativne radionice, džanglimašće radionice, tribine, fo- rumuja informišis e rromen pale importantne pučhimata pale Rromnja thaj laći familija. E pamfletuja save denpe si vi pe rromani thaj rumunsko čhib.

 

Otkanara ćerasas thaj ažutisarasas po fundosaripe thaj vazdipe terrne romnjane BVĆ thaj rromane džuvljikane aktivizmosko ande Vojvodina, sar ćeripe thaj bućaripe ande Rromnjane rromane Banatošće mreže, Rromenđe džuvljikani mreža Vojvodinaći, numaj vi nacionalno džuvljikani mreža Srbijaći.

 

Ande jekh vrjama e institucije musaj te vazden pesko ažutipe pe realne trubulimata e forutnenđe. E bršenca ćerrdam pale manušikane lila, sastarno osiguranje, palo sićope, bućaripe. Nesave buća nakhadam trujal godova bućaripe, numaj vi majdur ačhel amenđe o maripe, kaj si but prepreka ando drom palo napretko.

 

O.V.