E RROMA NAJ BISTARRDE VI KAJ SI MAJDUR PE MANUŠIKANI MARGINA

O sikavipe astarel majbut katar 150 originalni artefaktuja, save po anglno drom sikadon ketane pe jekh than. Ando pučhipe si e dopisnice, jal pilte e Rromengo andar averčhande kotora e themesko ande vrjama katar 1914. džike 1918. brš, save ćerrdine e soldatuja, numaj vi nekobor civiluja.

 

Kala artefaktuja sikaven o trajo thaj mudaripe e Rromengo ando Baro mudaripe thaj but importantno si fundo primarne bućako palo rodipe ande istorija, kultura thaj malavipe kale themesko ande godoja vrjama. Kava sikavipe si dićhipe kaj si e foto-arhive but importantne thana palo rodipe e kulturako thaj istorijako e Rromengo thaj kaj so majbut trubun te aven line.

 

O šerutno ande kava sikavipe mothoda kaj si sikade e pilte katar o mudaripe e Rromengo ando Angluno themesko maripe čačimašće svedokuja pale jekh phari vrjama thaj jekh marrdine numaj tromalo thaj paćivalo them ande godoja vrjama.

 

- Than e Srbijako thaj laće themesko ando Anguno themesko maripe si baro. Isto gajda sas vi lako hasaripe e manušengo. Importantno than ande godova than ande hasarrdo them sas vi e Rromen. Uvek lojalni pire phuvjako, uvek pe čači thaj orrtali rig, uvek paša pešće pašutne bešutne thaj pešće phrala, vi e Rroma poćinde but pale demokratija thaj sumnaripe savo anda amenđe godova maripe katar savesko lačho agor dapa gata jek veko”, mothoda o šerutno.

 

O.V.