Mukljaripe kotar RHMZ: Amari prestonica ka phabol godolese ke ka avel me but tare 35°C

RHMZ mukla o muklljaripe za sasti Srbija pe but bare temperature. Kava mukljaripe pe snaga si ađe te thara.

 

- Ađe te thara ande sasti Srbija ka avel but tatipe I majbare temperature ka džan me but tare 38°C, ando Beogard ok 35°C.

 

O Instituto ja javno sastipe Dr Milan Jovanović Batut mukla o mukljaripe godolese ke e bare temperature te o kham, ako sen avri, šaj te avel bilačho. E manbuša kana si o milaj me but si avri, pa godolese si kava mukljaripe importantno.

 

- Ande me cikne količine, o kamljaripe si lačho za amaro sastipe, jel gija amaro organizam zurarelpe I avele me but kalcijum ando rat, a ande kokala avel o vitamin D – phende andaro kava Insatitut.

 

Adnaro Batut mukle i o savet za sa e manuša te anćarempe tare sa e savetura tare doktora, sar bi uživina po kham, i obavezno te dobin e informacije taro UV zračenje.

 

- Ako si o UV zračenje me baro, avel o me baro rizik taro bilačhipe za jakha te za amari koža. Ako si o UV 3 ili me baro, mora te ćerelpe o aračhipe taro kham – naglasisade andaro Batut.

 

E manušenđe savetuilpe te o vakti savo akljen po kham avel me cikno, naročito ando delo taro đe kana si o kham naj tato. Od 10 dži ka 17 sata.

O khamljipe si majlačho sabajle i kana o kham perel, kana si e khameske zrakura krive i onda si o bilahipe tare koža but cikni.

 

Andaro batut dodajin ke si potrebno te aven ande ladovina kana si e UV zrakura majbare i majopasne, te anđaren aričimasko stvara, e šešita i ambrele.