INĆARIMASKO BUHLJARIPE RROMANE ĆIDIPESKO ANDO ROŠ AGENDAKO INĆARIMASKE BUHLJARIMASKO DŽIKO 2030

30/01/24 | 09:53

Vakti: 1 min.

Ande Sremske Karlovce, po fakulteto palo menadžmento e Jelena Jovanović, poslaniko ando Ćidipe AP Vojvodinako sukcesutne mentisarda master bući pe tema Inćarimasko buhljaripe Rromane ćidipesko ando roš Agendako inćarimaske buhljarimasko džiko 2030 breš.

Foto-ilustracija: Shutterstock

E tema si interesantno odolaće kaj si trubusardo te buhljarelpe o džanglipe pale obligacije Serbijaće ando phanglipe e Agendava sar vi te ćerelpe phanglipe averčhandutne akterengo andar javno thaj bithagarimaske sektorosko save šaj te lačharen e realizacija Resonengo inćarde buhljarimasko ande Serbija.

Sas man paćiv te e kandidatova e Jelenava Jovanović lav mungrro kotor ndo mentisaripe laće master bućako pe tema buhljaripe Rromane ćidipesko džiko 2030. brš ande AP Vojvodina ando roš Agendako inćarde buhljarimasko džiko 2030, dokumento savo si usvojime ando nakhlo brš po Generalno ćidipe UN. Kaja tema si butimaske aktuelno thaj importantno palo Rromengo ćidipe, liparde katar Fakulteto palo menadžmento.

Agenda palo inćardo buhljaripe usvojime si po Samito Ujedinime nacijengo ando Njujorko agorimava 2015. brš, a lačhardi si katar 17 resurja thaj 169 ćijaće nukte save trubun te pherenpe džiko 2030. brš. Nevi Agenda phandelpe po aresipe therdo trujal Milenijumoske resurja buhljarimaske (MRB) thaj fundosarelpe pe trin fundamentalne principurja: manušenđe orte, egaliteto thaj inćaripe. Voj inćarela piro fokuso po humano buhljaripe thaj harnjaripe čorrmasko, numaj kamela te irisarel pe butimaske akharimata save ćerdile majimportantne sar usvojisajle MRB thaj nas adekvatno trujalisarde kale ramova.

Kate avel: harnjaripe biegalitetosko maškar e raštre thaj ande lende, agorisaripe problemonengo klimaće arlisaripesko thaj astaripe inćarde buhljarimasko, barjaripe imunitetosko pale naturaće katastrofe, agorisaripe phučimatesko pale demografske thaj epidemiološke procesurja, kontrola urbano barjaripesko, te obezbedilpe o miro thaj stabiliteto, majlačharipe gavermentosko thaj raštraće kapacitetonengo, respekto manušenđe ortonengo thaj kulturaće averčhandimasko.

Milenijumoske resurja buhljarimaske (MRB) sikadine šerutno ramo palo buhljaripe trujal sasti lumnja katar kana usvojisardine len e phuvja membrurja Ujedinime nacijengo katar 2000. brš.