Sa e strahote katar o požari ando Bloko 70

Uspisardam te snimisaras andral rig katar o tržno centro, katar savo ačhilo samo o krovo Jagali stihija, dimne firanglja, panika, jasva, helikopterja... gajda ađe izgledilas e detharin po Novi Beograd, kana o daramno požari po dujto data nakhada o tržno centri.

 

Čak 76 vatrogascuja spasiocuja, 25 voliluja učestvujisarde ando sprečope e jagako. Po prvo data e helikopterja katar e jedinica MUP-a mundarenas e jag ando gradsko jezgro. Sar o Luka Čaušić , načelniko katar o sektori palaj vanredne situacije phenda, lengo delujime sas katar bari hasna e vatrogascenđe.

 

- Naročito moram da istaknem angažovanje helikoptera. Oni su angažovani po naredbi ministra unutrašnjih poslova i dali su veliki doprinos u smanjenju temperature, s obzirom na to da se emituje velika količina toplote, tako da naši pripadnici mogu da priđu i da gase požar iznutra.

 

E dojava katar o strašno požari aresli dethara ande 6.57 časuja, nakon soste e vatrogasne jedinice zajedno e poralenca avile po tereno. Po than ažućarda len baro oblako katar o thu pe sa e riga Beogradoske.

 

- Jako smo se uplašili, nismo znali šta se događa, počelo je sve da puca", phenda jek džulji jek katar e stanarke majpašuni zgrada savja džungada o požari. Dok e vatrogascuja borisajle e jagasa, pojavisajli nevi opasnost - plinske boce. Sa e manuša ses evakuišime, po sigurno than, ke o Kinesko tržno centro ande jek data postanisarda sar "tempirime bomba.

 

- Kava si but opasno, nikad ni dighlem gija nešto anme mungro trajo, phenda jek kinezo savo nalazilaspe po than kaj izbisarda o požari. Po than ćida pes baro brojo prolaznikuja save dićhenas sar o tržno centro topilpe bare brzinasa. Obzirom ke trošisarde bari količina paj, sar mundarenas o požari, e helikopterja moraje te len paj ande Sava. Snimisardam sar o helikopteri Bel 212 pherol o vedro e pajesa, thaj kana isto godava ćerda vi o Kamov. Učestvujil vi o H145.

 

D.N.