PURSAK PALE MAJSUKCESUTNE SIKLE RROMANE NACIONALNO ĆIDIPESKO

Akcijaće planova foro Pančevo pale socijalno integracije e Rromenđi 2022-2024 kale siklenđe ulade si vastušeja palo pursak sar jekhutno lovengo ažutipe, kava brš ando sasto moldipe katar 750.000 dinarja, jal po 4.000 dinarja palo sa katar 185 sikle – 157 sikle fundoske sikavne thanengo thaj 28 sikle maškarutne sikavne thanengo.

 

Forosko šerutno bahtarda e siklenđe palo areslo rezultato, ašarda lengo paćivalikanipe thaj kontinuiteto ande bući thaj pašunipe sikavne thaneske obligacijenđe thaj kamla lenđe te kale karakteristike, importantne palo majdur sićope thaj ando trajeto, majlundžaren te barjaren thaj te majlačharen, kamlimava te vi posle sićope po fundo aresle sukcesosko lundžaren te aresen sukceso vi ando piro barjaripe.

 

Phendape kaj o Foro ando angrusnipe akcijaće planosko forosko Pančevo pale socijalno integracija e Rromenđi 2022-2024 thaj e griže pale Rroma ando kava brš ulada andar o budžeto 6.900.000 dinarja thaj kaj katar kala vastušeja si 150.000 dinarja obezbedime palo ćeripe personalne dokumentonengo, 3 milionurja dinarja palo sićope, majanglal palo ćinipe pustikengo, thaj 3 milionurja dinarja palo konkurso Rromane amalimatengo ande integracija kana si o alav katar civilno sektoro.