Cikno Alen si les slično sudbina sar o Džej

Čhavro andaj Skadarlija, savo bićinelas luluđa e manušenđe save naćhenas khotar, ađe si jek katar o glavno glumco ando filmo "Nedelja".

 

Dumutažućardo filmo "Nedelja", trajoski paramiči jećhestar katar majpopularnije pevačuja pe kala thana - Džej Ramadanovski, premijerno si sikado ando Beogrado.

 

Čhavro ande Skadarlija Alen Selimi, savo bićinelas luluđa e manušenđe thaj đilabelas po sokako, ađes si jek tarat glavne uloge ando filmo. O Alen peske phralenca thaj phejanca sas često po sokako sar zaradilas love palav trajo. Ali lesko trajo promenisarda jek susreto savo desisajlo ando pravo trenutko. Dok nudilas peske lole luluđa ande kava boemsko gor, delas svato, thaj šarmantno asalas e manušenca, thode sama pe leste e producentuja e filmoske.

 

O cikno Alen si les sličmo sudbina sar o Džej. Arakhle les dok bićinelas luluđa ande Skadarlija. Dobisarda pozivo palav kasting khote đilabada đili "Nedelja" thaj e uloga sas leski- phenda o producento filmosko Vladan Anđelković.

 

Sar o režiseri katar kava ostvarenje Nemanja Ćeranić phenda, o Alen či džanglja te čitol, ali uspisarda te pripremilpes palaj uloga cikno Džej.

 

O Alen si but lačho, Či džanel te čitol. Sas amen manuš savo moraš sas te ćerelas lesa. Sas sposobno te sićol o teksto. Čhonenca spremosarasas les pala o snimope. Snimosarda trin epizode serijako. Ando početko darajlem, ali po seto nakhlja lačhe - phenda o Nemanja.

 

Održime si premijera filmoski "Nedelja", kaj o cikno Alen pojavisajlo e glumcoa Husa Alijević, a godale prilikasa sikada ke si but ponosno pe peste.

 

- Super, zadovoljno sem. Po snimope, majbut vjama semas e Nemanjasa, a katar e Džejoske đilja, majbut voliv "Nedelja"- phenda o Alen.

 

Inače, o glumco Ivan Jevtović sikada e Alene te glumil, te savladil sa palaj potrebe pala o liko ando filmo.

Sas but uzbudljivo po snimope, odolaći ke sas ma prilika te ćerav bući neve generacijasa glumcuja, thaj dži akana biphučarde umetnikuja. Pala mande si majbaro otkriće cikno Alen Selimi, savo putrel o filmo, thaj ćhelel uloga "Cikno Džej". Sasma prilika te ćerav bući sar profesori, thaj učitelji lesa sar vi avre čhavrenca, sar vi e Husa. Kava si fenomenalno spoj različite generacije talentujime manušengo- phenda o glumco.

 

But manušen e sudbina kale čhavreski, dija gođi upravo pe sudbina katar o Džej. Sar sas le pharo detinjstvo thaj barilo ando čoripe, lesko trajo promenisajlo prekal rjat kana kana pala leste saznajisarda e Marina Tucaković.

 

- Otoskar semas samo ciknoro rom ando odeljenje, čhavro rezvedime roditeljengo savo trajilas peske mamjasa. A e mamja naj sas love te delma palaj užina. Majbit semas bokhalo nego čajlo. E dićhen, kava manuš ako siles kifla, vo podelilas manca. Ni les naj sas često te hal ,ali kana sas les, vo podelilas. A but aver čhavre izbegajinas man. Ko volil e romen, a još čore romen. Me nikad či bistrava leske godala kifle thaj avava lesko večito dužniko zbog lende- phenda o Džej peskevjamako pala pesko drugari anda o detinjstvo.