Posle o mundaripe kotar mungro phral, e nacistuja avenas angla amaro ćher

Duška Jovanović, phen e Dušanoski save maj sig de 26 berš brutalno mundarde e "Skinsuja" Milan Čujić (17) thaj Ištvan Fendrik (17) nekazom metruja angla lesko ćher kaj trajilas. Ande potresno ispovest e Dušica dija pes gođi sar e "Skinsuja" nastavisarde te meltretirin len vi posle godava ke ćerde laće porodicaće.

 

- Posle o Dušanosko mundaripe, e bilačhimata nastavisajle. Mungro phral naj sas kriminalco, či ćerelas problemuja... Te neko gajda mundarol jećhe čhavre, godava si baš strašno! Thaj vi posle godava nastavisarde te maltretirin amen. Nastavisarde te aven anglaj zgrada, čhinenas leski umrlica, mutrenas pe mumelja save denaspe jag pala leste, đilabenas nacističke đilja angla amaro stano. Amen araćhenas e manuša save či pindžarasas. Avenas te len men sama, jek thaj aver manuša, mennjinaspe. Sa godava sas strašno. Termino kana trubujem te bijanav sas 4. novembro Onda jek grupa savi propagiril o nacizmo, trubuja te održil koncerto ando Beogrado, amen održisardam protesto te na avel, thaj naj sas održime. Me bijandem 6. novembro čhavro thaj dijem les alav Dušan, phenel voj.

 

O Dušano si mundardo 18. oktobra 1997. berš, nekazom metruja paša o sokako kaj trajilas peske porodicasa, dadesa Aleksandar, thaj dejasa Milica. E Duška ande paramiči mothoda so sas godaja jat:

 

- Sas subota, obično kana si subota, o Dule si ando Mirijevo ke amaro papo. E mami muli trin čhon maj sig de so mundarena e Dušane. Vo godava đes ćerelas sa so majbut volilas. Pecisarda, ćhelda fudbal, sas les šukar đes. Amari dej avili e bućatar thaj phenda e Duleske ke trubul te krenin ćhere pe Slavija. Či džalaspe leske sar ke haćarelas vareso... O dad ćerelas bući trito smena godaja rjat. E kapija zaključinas thaj naštilas te del andre te von na avile ćhere. Onda e paposke thaj e ujakoske posle 5,6 berša javisajlo amaro kako savo ćerelas bući ande Dansko, thaj amari dej phenda e Duleske te džan ćhere te iznenadin amare dade, te phenen leske ke javisajlo o kako. Amaro dad ćerelas bući ande gradsko čistoća, a đesesa zidolas . Godaja rjat e dadeske javisajlo jek manuš savo trubuja te poćinel leske ke ćerda bući pala leste, phenda ke naj le love te del les, ali ke šaj te del les jek baloro. Godava sa radujisarda e Dule ke but volilas mas te hal, thaj pristanisarda te avel ćhere. Me onda trajisardem paše mungro papo thaj ujako, semas phari. Maj sig nego so boldenape ćhere, đelo ande radnja thaj ćinda goja. Thoda ando mangro thaj dija man te hav. Me najsemas bokhali, a vo phenda manđe: Le thaj ha, ako či kames tu, kamol o bebe. Ažućarelas e bebe, radujilaspe. Godava bebe bijandilo duj kurće maj palal de so si vo mundardo. Akhardol Dušan thaj volil goja sar vi vo.

 

O ujako inđardalen dži ke stanica. Duj Dušanoske drugarja nakhle onda thaj phučle le da li avela vi thejara. Phenda ke či avela, ke moraš te odmorilpes thaj ke ando ponedeljak moraš te džal ande škola.

 

- Džalas ando "Ribnikar". Dine ando prevoz, e Duleske vi majdur či džalaspe ćhere. Inkliste ko pravno fakulteto. Amari dej 6 đesa ando kurko šlavelas e radnja kaj si o sunakaj thaj pečatorezačko radnja ando maškar e Beogradosko. Sas važno te aven čiste dži ko ponedeljak. O Dule phučlja e deja te džan te šlaven e radnja,ali či svratisarde. Đele ćhere. Gajda sas sudime. E dej thaj o dad but ćerenas bući, po duj buća sasto kurko te amenđe šaj priuštinas lačho trajo. O dad godaja rjat bešelas ćhere, pijelas kafa, spremolaspe palaj bući. Radujisajlo ybog o kako ande Dansko,a o Dule zbog o baloro. Roda katar o dad love te ćinel koka kola 2 litre, ke but volilas te hal čipso, pijel soko thaj dićhel kečerja. Godava kamlja vi godaja rjat te ćerel. O dad dijale love a o Dule phenda leske: " Dasa svato kana boldama, 1. novembra si zadušnice, thaj džas pe limorja. Thaj đelo.

 

Ande avlija sas jek šahta thaj kana godi neko inkljelas , moraš sas te uštavel pe late. Amen ašundam e šahta kana o Dule inklisto, ali či ašundam kana irisajlo... Onda e deja thaj e dade lija te astarel e panika. E dej phenda: "Samo te na đelodži ko Klaso", ke khote ćidenpes e Skinsuja 90ih, khote ćinenas piva. O dad phenda ke džal te dićhel kaj si o Dušano.

 

Ande Beogradsko sokako sas muli tišina. O dad dićhelas opre,ali či dikhlja les, a kana meklja o pogledo tele, dikhlja e Dušane sar pašljol nepomično po sokako. Gndisarda ke peradilo. Dijapes o dad majpaše thaj dikhlja ke si leske jakha polu putarde. Jek vas sas leske inzardo, a dujto ćidino po đi. Roda leske o pulso ali naj sas le. Ande panika prastaja ande zgrada ke komšinica rknilas ke nešto naj uredu e Dušanoa. Voj phenda leske : "Ažućar Aco, kaj si e dej e Milica". Onda inklisti vi e dej. Malada e čhavres mulo. Rknilas" "Dule sine ušti, Dule sine phaolape ćo đi", thaj onesvestisajli.

 

- Onda avile e doktorja, e porale, sasto sokako sas phandado. Sa sas sar ando filmo, sar godi ke najsas čače. O telefono ando Mirijevo zvonisarda duj satuja palao mismeri. Akharde e ujakos thaj e papos te aven. Me sovavas a o bivšo sokro thaj e sokra phende manđe ke džan te prošeton pes, so manđe sas čudno ali či ni slutisardem ke godava desisajlo. Nastavisardem te sovav. Semas ando injato čhon phari. Oko 5 sati detharina avile e dej, o dad, e ujna. Već počnisarde e manuša te ćidenpes. Me inklistem avri ande spavaćica po sokako, prastajem premal e paposko ćher thaj nadisajlem ke si sa godava samo suno. Ando ćher sas sa maj but manuša a me vi maj dur gndisardem ke ako dama tele te sovav, ke džungadijama thaj sa godava avela samo jek suno. Ando ponedeljak đeljam pe Slavija, savoren sas khote. Avili e vjama pala o prahope. Man sklonisarde ke daranas pala o bebe. Či dinema te dikhav les. Kamlem te dikhav les maj sigo nego ke mećenale ande phuv. Phende manđe te pamtiv les kasavo sosko sas kana dikhlem les zadnjo drom džudo. Sas leske ćerdi obdukcija, sas ranglo, thaj naj sas godava "kova Dule.

 

E dej naj sas peste de toskara, thaj gajda sas dži kana godi či lija pesko trajo korkoro. Kana inkalde o parno mohto pašaj huv, me peradilem ando nesvesto, či dikhlem kana mećenas les ande huv. Godava trenutko sas baro kotor mandar prahome zajedno lesa. Kamlem te čhudama zajedno lesa ande huv. Vi man vi mungre deja inđarde ke doktorja. Gadići manuša sas,e autobusuja avenas paj sa e riga.E taksistuja besplatno vozinas dži ke limorja po Lešće, thaj tek onda počnisardem te avav svesno so dešavilpe. Onda krenisarde e protestuja pe sokakuja Beogradoske zbog mungro phral.

 

Sasti porodica Jovanoivić doživisada bari tragedija...

 

E dej Milica prve šov čhon maj posle de so mundardine laće ćhavres, duj drom pokušisarda te mundarelpes. Prvo pilja sono kiselina, sas ande bolnica thaj inklisti uništime jednjakosa. Dujto data pilja draba thaj sas ande koma trin đesa.Trin berš maj dur, pale ačhili phari. O dad gndisarda ke dujto čhavro dela ande rig lako gndo pala o Dušano. Bijanda čhori, ali e Dušano nikad či prežalisarda.Umbladili kana e Kristina sas 15. berš. O dad Aleksandar dobisarda infarkto kana dikhlja o filmo pala o Dušano. Posle godava sas leske liduj pungre čhinde, a nedugo posle godava pharlo lesko ilo katar o žalo thaj mulo pala jet thopaš brš de so muli leski romnji.

 

O Milano Čujić thaj o Ištvan Fendrih dobisarde po deš berša maloletničko phanglipe. Prvo e kazna sas lenđe umanjime palaj 18 čhon, a onda ses mekline pe sloboda, umesto 19. oktobra 2007, trubuje te aven mekline 19. aprila 2006 berš.

 

D.N.