ANALIZA NEVE STRATEGIJAKO PALO SOCIJALNO INKLUZIJA E RROMENĐI THAJ RROMNJENĐI

Tema radionicaći sas: operativne resurja thaj nape Strategijaće palo socijalno inkluzija e Rromenđi thaj Rromnjenđi ande Republika Serbija, palo periodo katar 2024. džiko 2025. brš, relevantno palo lokalno nivelo. Inđarutni radionicako sas Dragana Jovanović Arijas andar Timo palo harnjaripe čorrmasko thaj e Ivana Maksić andar SKRUG – o.

 

Pe radionica sas prisutne koordinatorja pale Rromenđe phučimata, bućarne ando sektoro socijalne arakhadimasko, maškarnacionalno phanglipe thaj orte našutnengo andar avinde guverne: Sombor, Subo tica, Kovin, Kikinda, Kula, Beočin, Plandište, Zrenjanin, Žitište, Pančevo, Kanjiža, Kostolac.

 

Kana registrisajle e učesnikurja thaj posle angluno svato, sas sikadipe operativne resonengo thaj napengo save šaj arakhadon ande nevi Strategija palo socijalno inkluzija e Rromengo thaj Rromnjengo, athoska e učesnikurja ande kupe diskutuisardine palo nakhavipe napengo Strategijako andar perspektiva koordinatorenđi pale Rromane phučimata thaj te arlisaren o džanglipe thaj e misala lačhe praksako ando bućaripe mobilne timonengo.

 

Se učesnikurja haćardine kaj si trubusardo te eksistuil o organo savo avilosas udžilardo palo nakhavipe thaj te pratil e Strategija po nacionalno nivelo odolaće kaj pe kasavo čhand kontrolisardasaspe e bući thaj rezultaturja se institucijengo thaj dženengo save si udžilarde pale realizacija planonengo čhinade Strategijava, sar vi te čhinavenpe tačne nape palo nakhavipe sar šaj savorra te dićhen so si godova so si ando šaipe te ćerelpe ando avindo period.