PROMOCIJA ROMAVERSITAS PROGRAMOSKO THAJ FAKULTETOSKO AVINDE STUDENTONENĐE

Akademsko 2023/2024. brš teljarda zvanično te nakhavelpe projekto Romaversitas ando Novi Sad. Jekh katar šerutne resurja sas te ćerenpe jekhutne šaimata palo sićope Rromane studentonengo po Univerziteto ando Novi Sad. Eksistuin nekozom komponente save realizuinpe ando angrusnipe kale projektosko: dodatne časurja, ćinipe pustikengo, Anglikani čhib, studentonenđe inicijative, radionice, mentorsko zuralipe.

 

Teljaripe bućarimasko po sastimasko arakhadipe studentonengo poklopilpe fundosarimava anglune fakultetonengo ando Novi Sad 1954. brš (Poljoprivredno thaj Filozofsko), thaj po agor 1954. brš teljarda te bućarel sastimaski služba pale studenturja. Po 1955. brš fundosarelpe Studentsko poliklinika ando Novi Sad sar krangorro Studentonenđe poliklinikako baj.

 

Savorra save sas pe promocija složisajle trujal godova kaj si kava čhand promocijako fakultetosko thaj studijenđe programoske, a paše godova vi o zuralipe palo studiripe, vorta čhand te avinde studenturja Rroma pindžardonpe e vučeškolaće sićimava thaj šaimatenca palo sukcesutno thaj majlačho studiripe. Rektoro liparda kozom si importantno o čačipe te po Univerziteto ando Novi Sad avel so majbut Rromane studenturja thaj ponudisarda sasto ažutipe te kava reso šaj realizuilpe.