POLITIKE PALO BUĆARIPE ANDE 2024. BREŠ

Nacionalno služba palo bućaripe (NSZ) – Filijala Novi Sad sas ćherutni tribinako pe save sas sikadine eprogramurja thaj e nape aktivno politikaće palo bućaripe ande 2024. breš. Paše konkursurja thaj javno akharipe NSB, sikadine si vi konkursurja Pokrajinaće sekretarijatosko pale bući, bućaripe thaj bijandimasko jekhipe thaj forosko Novi Sad.

 

Nacionalno služba palo bućaripe sikada 11 konkursurja thaj javno akharipe, katar save si trin butimaske importantne palo Rromano ćidipe. Angluno si javno akharipe bibućarne dženenđe Rromane nacionosko pale dipe subvencijengo palo korkorrobućaripe, a putardo si džiko 18. aprilo 2024. berš.

 

Subvencije si namenime dženenđe save si pe evidencija NSB thaj si len agorisardo dosićope palo teljaripe pire sopstveno bućako. Kaja subvencija delpe ando jekhimasko kotor katar 180.000 dinarja, a kamavipe biznis planova ande duj misala anelpe ande kancelarija nacionalno službako ando bešimasko than, jal kaj train.

 

Agorutno semnosarimasko akharipe si akharipe dženenđe save den e bući palo dipe subvencijako palo bućaripe bibućarne dženengo andar e kategorija majphare bućarnengo pe nevoputarde bućarne thana, a e Rroma peren ande kaja kategorija.

 

Vučipe subvencijako uslovime si digreja buhljarimasko guvernako trujal o than bućarimasko e dženesko, thaj e vastušeja džan katar 150.000 džike 250.000 dinarja po dženo, a o akharipe si putardo džiko 30.11. 2024 breš.