Analiza thanenđi koordinatorenđi pale rromane pučhimata

Kava maškarthemutno projekto nakhavelpes talo zurjavipe finansijako Programosko palo setrajosko sićope Evropaće komisijako, a lesko inćarimatari ande Republika Srbija si ćidipe civilne amalimatar „Radovi u toku” andar Novi Sad.

 

Kamipe projektosko si te leske nakhadimava thaj zurjavimasa rromane medijatonendar del šajipe palo majbaro nivelo čačarimasko, lesamalimasko thaj majbuhljarimasko orturjengo e Rromengo ande raštre save line kotor ando projekto – Španija, Italija, Belgija, Rumunija thaj Srbija.

 

Projektova si dino te o Pokrajinako lesamalimatari forutnengo – ombudsmano, sar partnerska institucija, maškar aver, lel kotor vi ande analiza katar akanutno formalno ortuimasko kotor thaj praksa savi si phangli e medijacijava maškar Rroma thaj inkladipe rezultatosko godova analizako, sar vi ande averčhandipe gođaverimasko maškar raštre save line kotor ando projekto savo si phanglo e bućarimava rromane medijatoren ande štar kotora save si učharde e Rromane Dekadava – sićope, bućaripe, sastarimasko lesamalipe thaj bešipe.

 

Maškar manuša rromane nacionalne minoritetostar thaj ortuimaske organurja, institucije, e averčhande službe thaj aver inćarimatarja ašunimašće, institucija Pokrajinaće lesamalimatari forutnengo – ombudsmano ando kotor lesamalimasko orturjengo nacionalne minoritengo kamla te čačarel po savo varo si lačhardo bućarimasko angažmano rromane koordinatorrengo ande lokalošće korkorroortuimata pe teritorija APV, kasavo efekto thaj varo lenđe bućarimašće angažmanosko inćarel po kvaliteto lenđe bućarimasko thaj bućarimasko katar lokalosko korkorroortuipe, sar vi po kvaliteto čačarimasko manušikane orturjengo rromane nacionalne minoritengo.

 

Kaja analiza inćarel trin kotora:

 

1. Dićhipe palo ortuimasko kotor savo si trubusardo palo bućarimasko angažuipe koordinatoresko pale rromane pučhimata ande kotora katar lokaloske korkorroortuipe ande Republika Srbija, AP Vojvodina,
2. Informacije si crdine katar tereno, therdine katar koordinatorja pale rromane pučhimata ande APV, khetane e mothodimatenca,
3. Inkaldimata gîndimašće save si phangle e thansa katar manuša andar rromano nacionalno minoriteto ande APV.