EJ, GODOVA SEM ME

Ando angrusnipe projektosko Rromane kulturaće maškaripesko “Rromengo artosko karavano”, ando Novi Sad, inćardape e manifestacija trujal o moto “Ej, godova sem me” e resova te edukuil butimaske fortune – te pe misala lačhe praksako sikavelpe kaj e Rromane naciono si potencijalo thaj kaj barvarda e Serbonengo thaj vi e themesko kulturako therdipe.

 

O projekto realizuilpe e organizacijava Civil Rights Defenders ande nekozom forurja ande Serbija. Po štarto drom dromardo karavano si gosto ando Novi Sad. Teljarda ando decembro 2023, ando Smederevo, thaj piro dromaripe lundžarda ando 2024 breš. Prdal e Požega, Beogrado thaj Sombor. Pale avindo brš planirime si te gostuin ande 15 forurja ando regiono.

 

Dragan Ristić, direktoro RKM, phenda kaj si sikavipe fotografijengo “Majpindžarde lumnjaće Rroma” čhand te sikavenpe sukcesutne Rroma odolaće kaj cîra manuša džanel lengo bučumo. Vov još phenda kaj si kava averčhandutno koncepto prezentacijako Rromane populacijako, so si vi semnosaripe projektosko.

 

Dragana Rajić andar Centro palo nakhadipe džanglimatengo inkalda kaj e Rromengo krrlo trubul te avel majzuralo, te či ačhen thaj kaj von, sar Centro, vazden kapaciteturja terne Rromengo save thejara avena kotor rromane elitako thaj avena ando šajipe te zurale čačimasa mothon:

 

- Si, me sem Rrom thaj či ladžav godolestar thaj kamav te averčhandav šajimata ando amalipe.

 

Dromardo karavano nakhavel o ćidipe KAL thaj Rromano kulturako maškaripe, e asocijacija intelektualconenđi Rromane thaj birromane nacionosko, fundome sar bipartijako thaj neprofitno amalipe forutnengo savesko si fundosko reso e kulturaći afirmacija e Rromenđi.