FOROŠĆI LILARVARNI ANDO NOVI SAD LOŠANISARDA DUJ JUBILEJURJA

Ande Forošći lilarvarni and Novi Sad inćardapes baro lošanipe pala duj jubilejurja: 170 brša katar fundosaripe thaj bućaripe Forošće lilarvarnako ando Novi Sad thaj 60 brša katar vrjama katar si ulado čhavrikano than sar ulado kotor lilarvanako.

 

Po teljaripe programosko šerutno lilarvanako, Dragan Kojić, sikada bahtalipe palo baro đindo avilimasko manušengo save andine te e Forošći lilarvarni ando Novi Sad aresimasa bućarel thaj kola save si udžile pala lako lungo trajo.

 

E plakete sas dine Katanijaće Srbijaće, šerutne manušeske po kotor SANU ando Novi Sad, Univerzitetošće ando Novi Sad, Kancelarijaće pale inkluzija e Rromenđi AP Vojvodinaći, butimašće sikavne thanenđe, instituciijaće kulturaće thaj udžile individue.

 

- Kova so mothol buhlo ašunipe palo bućaripe lilarvarnako si lačhimašće. E Lilarvarne alavarenpes sar than tromalimasko pale kola save hasnarenlen kaj jekhutnimasa e hasnarimatarja den semnipe palo amaro trajisaripe thaj bućaripe thaj čačaren amari profesija - mothoda vov.

 

Sar matično lilarvarni palo Južnobački okrug, vortosarel thaj dićhel buhljaripe katar lilarvanasko bućaripe ando kujbo katar 250 lilarvarne thaj lenđe kotorengo. Forošći lilarvarni ando Novi Sad si čhutini ando Dunvsko sokako đindo 1, ando baro ćher savo si gođaverimasko bar katar Anka thaj Arsa Pajević, inkljisimatari, mecena thaj ktitoro dasikane thmesko. Bućarel pe tradicija katar Dasikano đinavdipe novosadosko savi si putardi po 23. septembro 1845. bršesko.