AŠARAVMA GODOLEJA KAJ SEM RROM

Godova sas vi rezono te po angluno drom ande Srbija e manuša katar rromano nacionalno minoriteto, sar vi kola save zurjaven len ande lenđe manušikane orturja, phiravenpes ando kotor festivalosko FRKA (Festivalo rromane kulturako thaj aktivizmosko) thaj sikaven po lengo than ando amalipe.

 

E manifestacija sas inćardini po 20. decembro, a e organizatorja sas o Centro palo ćerdipe džanglimasko thaj gođaverdimasko, Civil Rights Defenders, sar vi Rromano kulturako centro.

 

O festivalo teljarda phiravimava katar 200 manuša, savi phirda katar Thagaripe Srbijako džiko “Mikser haus”, kana vi teljarda o Festivalo rromane kulturako thaj aktivizmosko.

 

- Ćidamen kate te ćeras promocija amare kulturatar. Kultura thaj tradicija si amaro majlačho sikavipe”. Mothoda membro andar organizaciono odboro Festivalosko rromane kulturako dragan Gračanin.

 

Srećko Manojlović andar Civil Rights Defenders mothoda kaj si e Rroma diskriminišime ande Srbija thaj kaj godova šaj te dićhelpes ande sa ramosarimata thaj raporturja katar paćivalimatarka palo lesamalipe jekhetanimasko thaj lesamalimatari forutnengo. “Etnikani distanca či averčhandapes thaj gîndiv kaj či averčhandelape ande avutnimaske brš đesa. Pala godova si semno te sikavas pe Rromane pharimata”, mothoda vovda.

 

Gajda haćardam kozom sam amen sar amalipe ando bilačho than ando amalipe thaj godova sas mungrri inspiracija pala kava dićhipe piltarengo. Kava si mungrro angluno baro dićhipe thaj sikadipe piltarengo. But sem bahtalo. Palo mungrro aresipe majbut šaj te naisarav mungre bijandimatarnenđe, zurjavimašće katar rromane bivladaće ćidimata, sar vi guvernaće Bač.

 

Mungrro mentoro andar bešimasko maškarutnesikavimasko ćheresko, Stevan Filipović si vareko kašće sam majbut naisardo odolaći kaj dikhla mungro potencijalo thaj baro kamipe te ramosaravma pe akademija.