Bućaripe pala sasto amalipe

Ćidipe „Urma“ fundosardo si ando 2023. brš, a primarno kotor bućarimasko sas arakhadipe thaj lesamalipe rromane barvalimasko, krozal tradicionalno rromano đilabipe thaj ćhelipe save nakhdine e membrurja katar kulturno-artistimasko amalipe.

 

Inćardine šukar dikadimata, rezultaturja, sas dosturja pe but thana. Vrjamava, o đindo membrurjengo ćidimasko ciknosajlo, a o ćidipe buhljarda piro bućaripe pe edukacija, sićope, lesamalipe manušikane orturjengo, bešipe, khetanimasko bućaripe aver rromane bivladaće ćidimatenca.

 

Gajda vi e Kancelarijaće pale inkluzija e Rromenđi, arakhlapes o varo te kate palem teljarel e funkacija koordinatorešći pale rromane pučhimata.

 

Dićhimasa pe godova kaj o rromano koordinatoro fundosarela e komunikacija maškar lokalosko korkorroortuipe, e Rroma thaj majvuče raštraće institucije, majlačhipe haćarela rromano nacionalno amalipe, mothoda vov.

 

O Ninoslav Jovanović bahtarda e guverna Novi Kneževac, thaj inkalda kaj si jekh katar cîra guverne ande Srbija savi čačarda e inicijativa katar Nacionalno konsilo thaj pe kava varo dija šajipe te e Rroma bućaren ando lokalosko korkorroortuipe.