16 đesa katar o rromsko aktivizmo protiv o nasilje e rromnjango

30/11/23 | 14:33 ≫ 01/12/23 | 16:39

Vakti: 2 min.

Kotar o 25. novembro, maškar e narodosko đes ande borba protiv o nasilje e Rromnjango, e Romani džuvljikani mreža pašaj e podrška katar e Trag fondacija, thaj e inicijativa rromane studentkinjengo , sprovodil nizo radionice ande osnovne thaj ande srednje škole širom e Srbijako, e Rromane čhavrrenca, ando ciljo te sprečinpes e brakurja e čhavrrengo save si maloletne. Kaja aktivnost trajil 16 đesa , počnil 25. novembro, dži ko 9. decembro.

Foto: Julkica Stefanović

E majpalune rodimata palaj e teritorija e Srbijako, sikaven ke 1,7 miliono (62%) rromnjengo sas izložime kotar psihičko, fizičko thaj seksualno nasilje, odnosno svako trito rromnji, a maj baro brojo nasilnikuja si sar phenen e rromnjenđe Rroma.

Ande inja čhon de saj e 2023. berš mundarrdo si 26. rromnja, katar save e maj terne žrtva sas samo duj berš.

Iako razne nevladine organizacije roden katar e institucije te nešto preduzmilpes po phučimate de katar kaja tema, sa sikadol ke e nadležne službe či shvatin palaj ozbiljno sasti situacija, thaj sar godi ke ćhelenpes "kašuće telefonurja" a o brojo e žrtvengo sa maj but barjol svako đes.

Sostar baš 16 đesa aktivizmo ande borba protiv o nasilje e rromnjengo?

- O đes save počnil o džuvljikano, romsko aktivizmo si upravo godava maškar e narodosko đes savo obeležavilpes 25. Novembro ando sasto them. E gndimata kale akcijako si te ukažilpes pe problemurja thaj te javno predstavilpes sostar avel dži ko nasilje. isto gajda si o ciljo te skrenilpes e pažnja e institucijenđi pe nakhlimata ando sistemo, thaj pe godava načino te dićhen so šaj te ćerelpes te sprečilpes o nasilje.Sar trubul te ponašisavas e nasilnikosa kana arakhamen lesa ande kasavi situacija?- Ako man lično phučen, mungro mišljenje si ke trubul te izbegnilpes svako vido e nasiljosko.Si postojil nesosko SOS telefono pe savo šaj e rromnja te akharen, thaj te roden pomoć?- Postojin SOS republičke telefonuja save si dostupne 24h, ali odnosinpes samo pe socijalno podrška e žrtvenđe katar o nasilje.Sosko si o plano pe majdur, sar te e rromnja zaštitinpes katar o nasilje?

- O plano savo e država phenel si te nakhavel pes e javno politika e žrtvenca save silen iskustvo.

Ande terne berš, trubusaras te sikaavas amen, sar te pindžaras e nasilnikos, gajda ke ćeras svato sa psihologonencurja, gajda ke ćeresa svato e manušenca save sesa žrtve kotar o nasilje.

Danijela Nikolić