RAMOSARDINE ČHINAVIPE PALO SIKAVIPE RROMANE FUNDOSKE SIKLENGO ANDE POKRAJINA

Ando kava program piro kotor jećhe opašinava line e lokaloske korkorroortuimate, save konkurišisardine palo kava čhand ažutimaski, a godova si: Bela Crkva, Kovin, Kikinda, Pećinci, Subotica, Ruma, Žitište, Odžaci, Srbobran, Plandište, Bač, Bački Petrovac, Ada thaj e Senta.

 

Sigurno kala love, save naj butimaske bare, agorisarela e bući thaj jekh kotor Rromane čhavrengo, savenđe kala love avena po lačhipe te ćinen neve pustika thaj thaj školako priboro, thaj so loćarela lenđe o ramosaripe ando avindo klaso ande kava sikavno brš. Lačhipe si te dićhelpe sar “cîkne lovenca” ćerenpe bare rezultaturja ando sektoro te majlačharelpe o statuso e Rromane populacijako.

 

Šerutno Kancelarijako pale inkluzija e Rromenđi, sikada piro šukaripe kaj, sar lipardasas Rromano problem nakhada e Serbijaće granice thaj kaj si ando angrusnipe EU, Rromano phučipe si prioriteto odolaće kaj si ando phučipe o naciono savo araćhelpe pe margina egzistencijaći. Butimaske si pharimata save kamel te naćhel e EU te arlisarel o statuso Rromane ćidimatesko, phenda.

 

Vov liparda kaj si o sićope butimasko importantno faktoro pale Rroma thaj phenda kaj samo sikado manuš šaj avel konkurentno pe bućaći berza thaj te araćhel piro than ando amalipe, naisardasas e lokalno korkorroortuimatenđe save sikadine baro gođaveripe thaj lačhipe palo Rromano naciono.