STEVAN NIKOLIĆ, KOORDINATORO PALE RROMENĐE PHUČIMATA ANDARE SUBOTICA

Tipično misal pale kava čačipe si Rromano ćidipe. Vov sas lungo rindo bršengo muklino andar bare buhljarimaske programurja amalipesko. Pale kasavi relacija, ko majbaro đindo membronengo Rromane ćidipesko naštik te buhljarelaspe o džanglipe sar te koristinpe e instrumenturja palo aresipe ortonengo, numaj ni o haćaripe palo amalimasko došalikanipe.

 

Majbaro kotor forutnengo, po pravilo, či dićhel kava čačipe thaj pasiviteto thaj kaj či eksistuil e inicijativa palo arlisaripe statusosko haćaren sar korkorroizolacija. Pe bibaht, kava čačipe majcîkno kotor forutnengo priznajil thaj akseptuil.

 

O inćaripe obezbedilpe intersektorsko kupatebućarimava relevantne institucionengo thaj gajda kaj ande sa jekh programo o akcento čholape pe familija. Pale se aktivimate si trubusardo materijalno zuralipe. Sar agorutno rezultato simen jasno sikado kamavipe, trubusaripe thaj o džanglipe te traisaras „jekh avresa“, a niči „jekh paša aver“.

 

Pedagogikane asistenturja, Rromane sastimaske medijatorke thaj e koordinatorja pale inkluzija e Rromenđi si neve alavarde službenikurja katar save o Rromano ćidipe ažućarel i zuralipe. Čhutine persone pe kala pozicije naštik te aven podložne arlisarimaske pale politikako intereso.

 

Bilačho dumutnipe Rromane ćidipesko či tromal te ponovilpe thaj odolaće e raštra musaj te avel došalikani pale persone save akseptuisarda te aven inđarimatarja inćardimaske arlisarimasko ando Rromano ćidipe. O cirklo anglunimasko či trubul nikad više te ačhavelpe.