INĆARIMASKO BUHLJARIPE RROMANE ĆIDIPESKO ANDO ROŠ AGENDAKO INĆARIMASKE BUHLJARIMASKO DŽIKO 2030 BREŠ

25/11/23 | 11:33

Vakti: 1 min.

Buhljaripe jećhe amalimasko ando sklado e Agendava inćarimaske buhljarimava anel džiko buhljaripe sa jekh ćidipesko. But si imporrtantno te so majbut anglalmothode jećhe ćidipesko kamel te aresel džiko kava nivelo sićimasko thaj te aven referentne nukte, te aven sar idoli generacijenđe save aven.

Foto: A. Nedeljković

Ande Sremske Karlovce, po fakulteto palo menadžmento, poslaniko ando Ćidipe AP Vojvodinako, sukcesutne mentisarda master bući pe tema Inćarimasko buhljaripe Rromane ćidipesko ando roš Agendako inćarimaske buhljarimasko džiko 2030. brš.

E tema si interesantno odolaće kaj si trubusardo te buhljarelpe o džanglipe pale obligacije Serbijaće ando phanglipe e Agendava sar vi te ćerelpe phanglipe averčhandutne akterengo andar javno thaj bithagarimaske sektorosko save šaj te lačharen e realizacija Resonengo inćarde buhljarimasko ande Serbija.

O terorizmo thaj klimako arlisaripe majbare si problemurja savenca o manušikanipe akana malavelpe. Ando reso te agorisarenpe kala problemurja, Ujedinime nacije usvojisardine e Agenda palo inćarimasko buhljaripe džiko 2030. brš.

- Sas man paćiv te e kandidatova e Jelenava Jovanović lav mungrro kotor ndo mentisaripe laće master bućako pe tema buhljaripe Rromane ćidipesko džiko 2030. brš ande AP Vojvodina ando roš Agendako inćarde buhljarimasko džiko 2030, dokumento savo si usvojime ando nakhlo brš po Generalno ćidipe UNo. Kaja tema si butimaske aktuelno thaj importantno palo Rromengo ćidipe - liparda o prof. dr Branislav Mašić katar Fakulteto palo menadžmento.