Kukaste krstuja thaj natpiso "Smrt ciganima" po ćher e rromengo ande Grdelica

Vesna Stojiljković, e vlasnica e ćheresko ande Grdelica, pe savo osvanisarde e nacističke simboluja thaj e pisomata "Smrt ciganima" uznemirime mothol ke gajda nešto čhi desisajlo prvo data. Anglal štar čhona, maškar kotar jul, desisajlo gasavo incidento.

- Avilem ande nedelju tare 11. sati khate. Amen saimen još jek ćher ando maškar e foroso, thaj maj but vrjama provodis ghote, nego kate kaj si ćerdino o napado. Po vudar e ćheresko dikhlem o kukasto krsto. Goda sas but stresno pala mande. Ande godava trenutko semas korkoro. Čhi džanglem sar te ćerav bući. Svašta nakhlo mandje kroz o šoro. Kana carra smirosajlem, akhardem e poralen, von sigo avile, thaj zajedno lencar ažućardem e inspektoren andaro Leskovco te aven po uviđaj. Von slikosarde e natpisuja thaj đeletar.

 

Sar phenol e Stojiljković, maj sig de štar čhon, kana desisajlo prvo data, e porale čhi uspisarde te araćhen e manušen, thaj sar prenen čhi paćan ni ke malavena len.

 

- Amen khate trajisaras but brš, maj but de 50 breša. Nikad naj sas amen nisoske problemuja amare komšijenca, sa dži onda ando julo čhon. Dži toskar, mungrri porodica thaj me haćaramen ugroženo. Darav pala mungrri porodica thaj lenđi bezbednost. Zato moliv e poralen thaj sa e nadležne institucije te so maj sig uhapsin e manušen ke kava ćerde amenđe. Phučama so si sledeće? Da li trubul te den amenđe ando ćher te e insitucije džungadon thaj te rešin kava slučajo.

 

Sar mothol o Nenad Kostić, but bršengo aktivista e Rromengo ande Grdelica, odma desar napadnisarde amen, avilo ande amaro ćher thaj sas amenca sa e vrjama sar pružilas amenđe podrška, thaj dolas svato e manušenca katar e nadležne institucije.

- Kasave napaduja si česte. Ande poslednjo vrjama katar jek brš, sas but kasave napaduja, thaj khonik či malada len. E porale či den nisoske maj paše informacije. Khonik naj zainteresujime te o slučajo rešil pe. Či džanav sostar. Mungrro mišljenje si ke si došalo neko sa strane, neko aver, a na e manuša ande Grdelica. E romsko zajednica oduvek sasla majlačhi saradnja e bare brojosko manušenca ande Grdelica. Si men ćirvenđe veze, but hamime brakuja, thaj sigurno sem ke khote naj nisoske problemuja.

 

O Kostić phenol ke si but važno te e manuša ke ćerde goda araćhen pe, thaj ke vo uputisarda o poziv sa e manušenđe ke ćeren bući ande nadležne institucije, sar rešilas pe kava slučajo so maj sig. Još jek data akharav sa e državne službe te so maj sig privedin e došalen e pravdaće.

 

- Pale mothov ke kava čhi ćerde amare Grdeličanuja. Ći kamav te phenav sa sigurnost, ali kava šaj te avol vi političko poruka. Me sem jek katar o kandidato pala o odborniko ande Grdelica, thaj kava šaj te avol političko darimata, phenda po gor o Nenad Kostić.