TRUBULIMAŠĆI SISTEMATIZACIJA PALE ROMANE KOORDINATORA

Naj čhutino, no paćav kaj kava pharipe avela gatisardo. Majdur, paćas kaj džike godova lokalosko korkorroortuipe lundžarela angažmano koordinatoresko rebalansova, po udžilipe budžetosko, pe harni dini vrjama džiko agorisairpe pharimasko e sistematizacijava.

 

Majdur, sima khetanimasko bućaripe e ašunimašće institucijenca guvernatar Vršac, majanglal e Centrosa palo socijalno bućaripe, Guvernaće krisesa ando foro Vršac, RFZO (sastarimasko arakhadipe) thajKutarjenca andar guverna Vršac.

 

Khetanimasko bućaripe e aver institucijenca si inke ando proceso. Kana si o lokalosko korkorroortuipe ando pučhipe, inkalavas but lačho bućaripe e Kancelarijava palo LER (lokalosko ekonominakno buhljaripe) savesa khetanimasa bućarav pe sa konkursurja save si phangle pala majbuhljaripe rromane populacijaće.

 

Katar pokrajinaće institucije sima lačho khetanimasko bućaripe e Pokrajinaće sekretarijatova palo sićope, ramosarimata, ortuipe thaj nacionalne minoriteturja – nacionalne amalimata thaj Pokrajinaće sekretarijatova pale privreda, bućaripe thaj jekhetanipe polurjengo, sar vi e Kancelarijava pale inkluzija e Rromenđi.

 

E republikane institucijenca bućarav palo informišipe thaj therdipe informacijengo sar ažutisarava lokalošće korkorroortuimašće thaj rromane BGĆ te len kotor ande konkursurja. Majpašo khetanimasko bućaripe inke najma thaj ando butipe sam vortosardo pe pokrajinaće institucije.