SIĆOPE TRUJAL ĆHELIP

Jekh katar aktivimata “Cîkni majbahtali kolonija” si vi Igračkenđi biblioteka. Vojsi jekh katar šov kasave biblioteke pe teritorija Republikaći Serbijaći thaj kotor si sićimasko programosko pale dej thaj čhavro savi finansiril Rromano edukativno fondo.Lako zadatko sit e obezbedil didaktikaće igračke thaj programurja te podstaknin o barjaripe e čhavrengo.

 

Namenime si e čhavrenđe katar 0 – 7 brš, sar vi lenđe bijandimatarenđe. Principo bućako si isto sar vi ande klasično biblioteka numaj kaj mesto pustika denpe udžile e igračke. Pe kasavo čhand e čhavrenđe si dino maj baro losaripe igračkenđe save ažutin lent e trujal o ćhelipe lenca te barjarenpe thaj te sićon. Paše sa kava von sićon te aven odgovorne, te len sama pe pire šeja thaj aver manuša.

 

Biblioteka ando Novi Sad počmisarda e bućava ando nakhl brš. Godova si amaro angluno program avrutne donatorova. Vov haćarel o ažutipe rromane bijandimatarenđe te šaj araćhenpe ando sićope pire čhavrengo, posebno kola bijandimatarja save naj školuime.

 

Ando angrusnipe Bibliotekako simen e radionice rano barjaripe thaj kola save tičonpe čhavrenđe, ažutipe ande škola, zurjavipe čhavrenđe, emotivno zurjavipe thaj sa so trubul len odolaće kaj rromane angleškolaće čhavra, andar mungro džanglipe, naj ando fokuso bijandimatarenđe grižako, numaj si maj but po sokako, muklino korkorro peske dok či teljarel ande škola jal ande angleškolaći ustanova.