Ćerdini si e promocija kotar portal Romanenevimata.rs

Zbog o Međunarodno đe tare romani čhib, e sasti Srbija, anaka si me barvali za još jek portal pe romani čhib. Ađe si zvanično muklo o portal Romanenevimata.rs ando etro i goda pe romani čhib. Kroz e tekstura, nevimata thaj reportaže, kava portali ka ćerel o izveštavanje tare sa e bare thaj akuelne teme andare amari phib te taro region.

 

- Sima bari odgovornost, a ujedno but sem bahtalo, ke e Roma šaj te ćeren bući sa jek gasavi bari kompanija savi si o Telegraf odnosno o Internet group. Mangav te zahvalima za Igor Ćuzović, savo si glavno thaj odgovorno uredniko taro portal Telegraf.rs, save sasle bari želja te delamen šansa te ćeres svato pe amari dejaći čhib ando javno prostoro i te šaj te ćeres bući lecar sar bi amare manušen dasa sa e inforamcije pe amari romani čhib – phenda o Nedeljković, savo si zameniko taro glavno thaj odgovorno uredniko taro portal romanenevimata.rs.

 

Vovda još phenda, te siamen još deš manuša ande Srbija save si sar o Igor Ćuzović, e Roma ande Srbija bi traina but me lačhe i avelabilen but me bare šanse te lenđi integracija avel but me lačhi.

 

- Koristiv e prilika te bičhalav baro pozdravi i za Veljko Kajtazi, savo ćerda but za romano narodo, a but zala manuša džanen ke si baš vov zaslužno ke si o Međunarodno đive tare romani čhib po kalendari taro Unesko – dodaisada o Nedeljković.

 

Iako sasa ađe o putardipe taro portal romane nevimata, vovda lija te ćerel bući još ando avgust taro kava breš i od onda si baro interesovanje savo si me baro nego so e manuša save ćeren bući pe kava portali i očekuisade.

 

Zbog o baro doprinos sar bi araćelape e romani čhib ando javno prostoro, o portali Telegraf.rs taro Veljko Kajtazi andaro Zagreb, dobisada e plaketa tare trin majvažne datumura za romano narodo. E plaketa dobisada o glavno thaj odgovorno uredniko o Igor Ćuzović.