Vakti: 1 min.
BEŠIPE – MAJBARO PHARIPE RROMANE STUDENTONENGO ANDO FORO VRŠAC
Vakti: 1 min.
Ando Vučo sikavimasko than palo sićope vinajengo “Mihailo Palov” ando foro Vršac ćerdam svato e sikavni dr Marija Aleksandrović thaj duj studentkinje anglune bršesko save sićon pe rromani čhib. E teme sas phangle palo bešipe ando studentsko ćher, lila, stipendije, bućaripe thaj proceso sikavimasko
Foto: Kancelarija za inkluziju Roma
Sa kala manušnja inkaldine kaj si majbaro pharipe bešipe ando studentosko ćher. Gajda sas vi e nakhle generacijenca, a gajda sas vi akana. Šerutni pe kava sikavno than inkalda kaj si pharipe palo bešipe agorisardo no či pe vrjama, gajda kaj e studenturja či aresline pe vrjama te den ando proceso sikavimasko, thaj hasardine kontinuiteto.
Ažućardapes po čačaripe andar Ministerijumo palo majbuhljaripe đindosko ando studentsko ćher thaj aksa ćerdapes o vacuum. Godova si o ćher pala kola save džan ande maškarutne sikavne thana, no mećhelpes varesavo đindo thanengo pala studenturja, rromane thaj kola save naj Rroma.
Čhinadipe e šeruni dićhel ando majbuhljaripe kapacitetosko jal ando vazdipe katar nevo studentsko ćher. Te e studenturja inćaren therdino than palo bešipe, avena kate thaj rîndova džana po sićope.
Dijam svato e duj studentkinjava katar angluno brš: Tina Petrović andar than Glo- gonj pašo Pančevo, thaj Mariška Novakov andar Ilandža. Liduj ramosardapes pe Vučo sikavno than kaj kamlisaren bućaripe e čhavorrenca thaj kamen te bućarel les jekh đes.
O bešimasko than therdine ando decembro, a džike godoja vrjama dromardine pe sićope. Efta studenturja andar kaja generacija si ando bešimasko than, a duj naj, gajda kaj naštik te džan po sićope rîndova.
Naj lačhe thaj bari bezah si godova kaj e studenturja, kaj najlen bešimasko than hsaren šajipe palo studiripe, mothodine mištarimasa liduj studentkinje.
Nevimata save si povezime
TRUBUL SO MAJSIG TE THERENPE MAJLAČHE USLOVUJA PALO BUĆARIPE E RROMENGO
