E ČHIBJA KATAR DIGITALNO AVUTNIPE

Pe konferencija kotor line e autorja katar medijako inćaripe pe čhibja katar nacionalne minoriteturja, e manuša andar nacionalne konsilurja nacionalne minoritengo, e manuša andar medijaće ćidimata, e manuša andar administracija thaj bigavermentošće ćidimata, sikavimatarja thaj e studenturja andar medijaće sikavne thana.

 

Ando andraluno inkladipe mothodimasko e manušenđe save aviline svato dine e šerutni po kotor pale medije, raštrako sekretaro ando Ministerijumo kulturako thaj informacijengo Republikako Srbijako, pokrajinako sekretaro pale kultura thaj ašunimasko informišipe AP Vojvodinako thaj generalno direktori RTV Vojvodinako.

 

Paša godova, avel vi svato pale tranzicija ašunimaske servisurjengo po jekh nevo varo finansirimasko, kaj detot paćelape ande specifičnost savo inćarel Radio-televizija Vojvodinaći savi ćerel programurja pe deš čhibja nacionalne minoritengo.

 

Pala godova kaja konferencija si varo thaj modelo niči palo arlipe džanglimasko, gođaverimasko, no vi varo te krozal kvalitetno svato avelpes džike majlačhe čhinadiata thaj mothodimata pe aktuelne pučhimat.

 

Andimasa thaj definicijava palo ašunimasko intereso, sar vi liparimasa medijaće inćarimatengo thaj zurjavimašće merengo, e raštra but majbuhljarda piro nakhavipe palo ašunimasko informišipe thaj medije. Ando mištaripe godolesa zurjavas čhinadipe uladimasko katar udžilimašći privatizacija medijenđi.

 

Gîndisaras kaj si lačhe so si inkladino detot semnipe ašunimašće servisurjengo thaj editorengo lilengo save fundosardinepes e konsilurjendar nacionalne minoritetura.