E koordinatorja pala rromane pučhimata

Vi paše godova kaj si ačhadipe te naštik te therelpes bućaripe ando ašunimasko sektoro, aresline te aresimasa nakhaven kava konkurso. E fundurja sas pala pandž guverne, no sas alavarde inja guverne. Godoa sikavel kaj e guverne pindžardine semnipe andimasko rromane koordinaotresko pala rromane pučhimata thaj kozom si godoja persona semni sar vareko ko avela maškar e lokalosko korkorroortuipe thaj rromano amalipe.

 

E džipašerutni pokrajnaće sekretarosko mothol kaj ando sekretarijato sas bahtale kaj sa jekh drom pe konkursurja pala bivladako kotor o intereso thaj đindo alavardimasko butimasa si majbaro katar fundursa save si ulade pala godova.

 

E fundurja andar konkurso naj ulade pala ćindipe lilengo, no vi pala ćindipe šejengo palo sićope, habe, dromaripe, a so si palem phanglo katar godova si lokalosko korkorroortuipe dićhel sar trubulimasko palo ažutipe rromane čhavorrenđe, gajda kaj šaj te losaren so si pala lende trubulimasko thaj sar hasnarena e fundurja ando piro lokalosko trujalipe.

 

Akciono plano, majcîrra ande štar fundošće kotora, sićope, bešipe, bućaripe thaj sastipe. Pala godova andapes čhinadpe te ažutisarelpes guvernenđe te anen kava dokumento. Po fundo konkursosko, pala savo sas ulado miliono dinarja, efta neve guverne ande Pokrajina therdine e fundurja, a ažućarelpes te e guverne džike opašin 2015. brš, niči anenm no vi te čačaren o LAP pala Rroma.